شىمكەنتتە جاقىندا ەگٸلگەن گٷلدەردٸ قار باسىپ قالدى, - دەپ حابارلايدى Massaget.kz پورتالى كتك ارناسىنا سٸلتەمە جاساپ.
ماماندار ويىنشا, شىمكەنتتە قىستا وتىرعىزىلعان راۋشان گٷلدەرٸ مەن حريزانتەمالار كٶكتەمگە دەيٸن ٶسپەيدٸ.
"مەن بيولوگ رەتٸندە, بۇعان قايعى جۇتىپ تۇرمىن. ٶسٸمدٸككە وبال بولدى. ونى ازداپ قازىپ, تامىرىن مۇقييات العىم كەلدٸ. بٸراق جاساي المادىم, ٶيتكەنٸ مۇز قاتىپ قالعان, تامىرى جەردە قالدى", - دەدٸ بيولوگييا عىلىمدارىنىڭ كانديداتى روزا جۇماباەۆا.
مامانداردىڭ ايتۋىنشا, مۇنداي جىلۋدى ۇناتاتىن گٷلدەردٸ قىس مەزگٸلٸندە وتىرعىزۋ قاۋٸپتٸ, سوندىقتان كوممۋنالدىق قىزمەتتەر كٶكتەمدٸ كٷتۋٸ كەرەك ەدٸ. راۋشان مەن حريزانتەمانى قۇتقارۋعا ەلٸ دە مٷمكٸندٸك بار. ەگەر ولاردى جاۋىپ قويسا, وندا بٸر بٶلٸگٸ ٶنٸپ كەتۋٸ مٷمكٸن. بٸراق ىقتيمالدىعى تٶمەن.
ايتا كەتەيٸك, شىمكەنتتە بۇعان دەيٸن ونداعان گٷلزارعا گٷل وتىرعىزىلعان. بٸر عانا قاراتاۋ اۋدانىندا بۇعان 17 ميلليون تەڭگە جۇمسالعان.
بۇل رەتتە ەكٸمدٸك بۇدان ەش كەمشٸلٸك كٶرٸپ وتىرعان جوق. ولار گٷلزارلارعا مەردٸگەر جاۋاپتى ەكەنٸن ايتتى. كٶكتەمدە گٷلدەر ٶنبەي قالسا, ولار بەرٸن قايتادان وتىرعىزادى, بٸراق ٶز ەسەبٸنەن.
"وڭتٷستٸك ٶڭٸر بولعاندىقتان كٷن جىلى, قاتتى سۋىتپايدى. سوندىقتان كٷزدە, تٸپتٸ قاراشادا دا وتىرعىزادى. قازٸر گٷلدەر قۋراپ قالعان بولىپ كٶرٸنگەنٸمەن, بۇل كٶپجىلدىق ٶسٸمدٸكتەر. مەردٸگەر تاراپىنان جۇمىسقا كەپٸلدٸك بار. سوندىقتان قانشا گٷل ٶلسە, كٶكتەمدە سونشا گٷل تولىقتىرىلادى", - دەدٸ قاراتاۋ اۋدانى ەكٸمٸ اپپاراتىنىڭ باس مامانى ەسٸمحان جٷزباەۆ.
