شىمكەنتتە قوي باعىپ جٷرگەن جاسٶسپٸرٸمدٸ بەلگٸسٸز ازامات مىلتىقپەن اتىپ كەتكەن. وقيعا 16-شى شٸلدە كٷنٸ كەشكٸسٸن ساعات 20:00 شاماسىندا «دوستىق» شاعىناۋدانىندا بولعان, - دەپ جازادى وtyrar.kz.
جاسٶسپٸرٸم دوستارىمەن بٸرگە قوي باعىپ جٷرەدٸ. سول كەزدە جەردٸڭ قوجايىنى بالادان اۋماقتى بوساتۋىن سۇراپ, ەسكەرتۋ جاساعان. بٸراق ەشنەرسەدەن قاۋٸپتەنبەگەن جەتكٸنشەك مالىن باعىپ جٷرە بەرگەن.
ارادا از ۋاقىت ٶتكەن سوڭ قىمبات كٶلٸكپەن كەلگەن جەر قوجايىنى بالاعا بٸرنەشە رەت وق اتىپ, جارالاپ كەتكەن.
«وق اتقان ٷلكەن كٸسٸ. مال جايىپ جٷرگەن ەدٸم, مالدى بۇل جەردەن شىعار دەدٸ, شىعارمادىم. مىلتىقپەن كەلٸپ اتىپ كەتتٸ», - دەيدٸ زارداپ شەككەن جاسٶسپٸرٸم.
دەرٸگەرلەر زارداپ شەككەن بالاعا دەر كەزٸندە مەديتسينالىق كٶمەك كٶرسەتٸپ, ٶمٸرٸن امان الىپ قالدى. مامانداردىڭ سٶزٸنشە, بالانىڭ بٸرنەشە جەرٸنە وق تيگەن. وقىس جاعدايعا بايلانىستى تەكسەرۋ جۇمىستارى جٷرگٸزٸلۋدە.
