شىمكەنتتە كومەندانتتىق ساعاتتى بۇزعانى ٷشٸن 204 ازامات ەكٸمشٸلٸك جاۋاپكەرشٸلٸككە تارتىلدى, ونىڭ 75-ٸ قاماۋعا الىندى, دەپ حابارلايدى قازاقپارات.
بلوك بەكەتتەردە 14 962 اۆتوكٶلٸك تەكسەرٸلٸپ, نەتيجەسٸندە جاپپاي تەرتٸپسٸزدٸككە قاتىسقان 9 ازامات ۇستالدى. ولاردان 2 گاز تاپانشا تەركٸلەنگەن.
جالپى ٸس-شارالار نەتيجەسٸندە بۇزاقىلىققا قاتىستى دەگەن كٷدٸكپەن 77 ادام بويىنشا قىلمىستىق ٸس قوزعالىپ, اباقتىعا قامالدى. كٷدٸكتٸلەردەن شولاق مىلتىق, تراۆماتيكالىق تاپانشا, پاتروندار مەن ۇرلانعان تەلەفوندار تەركٸلەنگەن.
جاپپاي تەرتٸپسٸزدٸك كەزٸندە 50 تەرتٸپ ساقشىسى تٷرلٸ جاراقات العان, ونىڭ ٸشٸندە ەكەۋٸنە وق تيٸپ, اۋىر جاعدايدا اۋرۋحانادا جاتىر. 77 پوليتسييا كٶلٸگٸ زارداپ شەككەن.
قالاداعى بەينەباقىلاۋ جٷيەسٸنٸڭ 189 «سەرگەك» كامەراسى قيراتىلعان. قازٸرگٸ كەزدە كامەرالاردى قالپىنا كەلتٸرۋ جۇمىستارى جٷرٸپ جاتىر.
ال, ٶرت سٶندٸرۋشٸلەر اراسىندا دەنە جاراقاتىن العاندار جوق. كٷندەلٸكتٸ 50-دەن اسا تەحنيكا مەن 900 جەكە قۇرام قىزمەتكەرٸ ٷش اۋىسىمدا كٷشەيتٸلگەن كٷن تەرتٸبٸندە جۇمىس ٸستەۋدە.
