Shymkentte komendanttyq saǵatty buzǵany úshin 204 azamat ákimshilik jaýapkershilikke tartyldy, onyń 75-i qamaýǵa alyndy, dep habarlaidy QazAqparat.
Blok beketterde 14 962 avtokólik tekserilip, nátijesinde jappai tártipsizdikke qatysqan 9 azamat ustaldy. Olardan 2 gaz tapansha tárkilengen.
Jalpy is-sharalar nátijesinde buzaqylyqqa qatysty degen kúdikpen 77 adam boiynsha qylmystyq is qozǵalyp, abaqtyǵa qamaldy. Kúdiktilerden sholaq myltyq, travmatikalyq tapansha, patrondar men urlanǵan telefondar tárkilengen.
Jappai tártipsizdik kezinde 50 tártip saqshysy túrli jaraqat alǵan, onyń ishinde ekeýine oq tiip, aýyr jaǵdaida aýrýhanada jatyr. 77 politsiia kóligi zardap shekken.
Qaladaǵy beinebaqylaý júiesiniń 189 «sergek» kamerasy qiratylǵan. Qazirgi kezde kameralardy qalpyna keltirý jumystary júrip jatyr.
Al, órt sóndirýshiler arasynda dene jaraqatyn alǵandar joq. Kúndelikti 50-den asa tehnika men 900 jeke quram qyzmetkeri úsh aýysymda kúsheitilgen kún tártibinde jumys isteýde.
