بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون ەكٸنشٸ تۋرىندا اۋا رايىنىڭ قولايسىزدىعىنا بايلانىستى ەكٸ ويىن كەيٸنگە شەگەرٸلدٸ, دەپ حابارلايدى قازاقپارات.
تٷركٸستاندا كەزدەسۋ باستالۋىنا ساناۋلى مينۋتتار قالعاندا «تۇران» مەن «اقتٶبە» اراسىنداعى كەزدەسۋ اۋا رايىنىڭ قولايسىزدىعىنا بايلانىستى كەيٸن ٶتكٸزٸلەتٸن بولدى. سول ۋاقىتتا اتالعان قالادا شاڭدى داۋىل سوعىپ, ويىن ٶتكٸزۋگە مٷمكٸندٸك بولماعان.
وسىنداي جاعدايعا بايلانىستى شىمكەنتتەگٸ «ورداباسى» مەن پاۆلودار وبلىسىنىڭ «اقسۋ» كلۋبتارىنىڭ كەزدەسۋٸ ويىن ورتاسىنان توقتاتىلدى. قاتتى جەل مەن شاڭدى داۋىل سالدارىنان ستاديوننىڭ شاتىرى ۇشىپ كەتٸپ, الاڭعا تٷستٸ. بۇل ۋاقىتتا شىمكەنتتٸك كلۋب قارسىلاسىنان 1:0 ەسەبٸمەن باسىم تٷسٸپ جاتقان بولاتىن.
قازاقستان فۋتبول فەدەراتسيياسى اتالعان ويىنداردىڭ قاشان ٶتكٸزٸلەتٸنٸ تۋرالى الداعى ۋاقىتتا شەشٸمٸن ايتاتىن بولادى.
سونداي-اق, ٶتكەن تۋرداعى جەڭٸسٸنەن كەيٸن ەلوردالىق «استانا» تۋرنير كەستەسٸندە كٶش باسىنا شىققان ەدٸ. بۇل جولى سىرت الاڭدا «اتىراۋمەن» 1:1 ەسەبٸنە قاناعات بٸلدٸردٸ.
ال الماتىلىق «قايرات» ٶز الاڭىندا قاراعاندىنىڭ «شاحتەرٸن» 2:0 ەسەبٸمەن تٸزە بٷكتٸردٸ. وسىلايشا ون بٸرٸنشٸ تۋرداعى سەتسٸزدٸگٸنەن كەيٸن نەتيجە شىعارىپ, جانكٷيەرلەر الدىندا سەنٸمدٸ ويىن كٶرسەتتٸ.
ەرتەڭ, 22 مامىردا «قىزىلجار» (پەتروپاۆل) مەن «اقجايىق» (ورال), «توبىل» (قوستاناي) مەن «ماقتارال» (تٷركٸستان وبلىسى), «كاسپيي» (اقتاۋ) مەن «تاراز» كوماندالارى كەزدەسەدٸ.
