شىمكەنتتە دەرٸگەرلەر ٷش ايلىق نەرەستەنٸڭ تىنىس جولىنان تٷيرەۋٸشتٸ الىپ شىقتى, دەپ حابارلايدى "ۇلت اقپارات" دەنساۋلىق ساقتاۋ مينيسترلٸگٸنە سٸلتەمە جاساپ.
شىمكەنت قالاسىنداعى بالالار كلينيكالىق اۋرۋحاناسىنا تىنىس الۋ جولىندا بٶگدە زات بار دەگەن كٷدٸكپەن ٷش ايلىق قىز بالا جەدەل جەردەم كٶلٸگٸمەن جەتكٸزٸلگەن.
نەرەستەنٸ شۇعىل تٷردە تەكسەرگەن دەرٸگەرلەر رەنتگەنوگرامما جاساعان. تەكسەرۋ قورىتىندىسىندا تراحەيانىڭ جوعارعى ٷشتەن بٸر بٶلٸگٸندە تٷيرەۋٸش تۇرعانى انىقتالدى. بالانىڭ ٸشٸندەگٸ قاۋٸپتٸ زاتتى الىپ شىعۋ ٷشٸن اۋرۋحاناداعى بٸلٸكتٸ حيرۋرگ - ا.تٷلكٸباەۆ, ن.قويانباەۆ جەنە انەستيزيولوگ دەرٸگەرٸ ب.توتىقوۆ شۇعىل تٷردە وپەراتسييا جاساعان.
«وتا كەزٸندە فيبروبرونحوسكوپ اركىلى كٸرٸپ, ٸشتەگٸ تٷيرەۋٸشتٸ الىپ شىقتىق. وپەراتسييا تٸلٸكسٸز ٶتتٸ. بالانىڭ جالپى جاعدايى جاقسى, ەمدەۋ حاتتاماسىنا سەيكەس قاجەتتٸ ەم الۋدا» - دەيدٸ وتا جاساعان دەرٸگەر ا.تٷلكٸباەۆ.
مامانداردىڭ ايتۋىنشا, ورتالىققا بٶگدە زات جۇتىپ قويعان بالالار جيٸ كەلٸپ تٷسەدٸ. بٶگدە زاتتار اۋىز قۋىسى مەن جۇتقىنشاق ارقىلى ٶتٸپ, تراحەيا مەن برونحقا ەنەدٸ. ٸرٸ بٶتەن دەنەلەر ٶڭەش ارقىلى ٶتە المايدى. بٶگدە دەنەلەردٸڭ كٶبٸسٸ ەدەتتە ۇساق (مونشاق, بۇرشاق, تىرناق, تٷيمە, ينە, تٷيرەۋٸش, سٷيەك, ۇساق تيىندار). ٷلكەن بٶتەن دەنەلەر نەمەسە ٶتكٸر فورماسى بار زاتتاردىڭ تراحەيانىڭ قابىرعالارىنا نەمەسە نەگٸزگٸ برونحتىڭ قابىرعالارىنا, ال سول جاققا قاراعاندا وڭ جاقتا جيٸ تۇرىپ قالۋ قاۋپٸ ٶتە جوعارى.
بالالاردىڭ برونحى مەن تراحەياسىنا ەرتٷرلٸ زاتتار تۇرىپ قالۋى مٷمكٸن: دەن, تٷيمە, تٷيرەۋٸش, قاعاز قىستىرعىش, تىرناق, ويىنشىق بٶلشەكتەرٸ جەنە تاعى باسقالار.
«مۇنداي جاعدايلار كٶبٸنەسە اتا-انانىڭ قاراۋىنسىز قالعان بالالاردا جيٸ كەزدەسەدٸ», دەيدٸ دەرٸگەرلەر.
