بٷگٸن شىمكەنتتەگٸ دياگنوستيكالىق جەنە رەانيماتسييالىق وتا جاساۋ اۋرۋحاناسى پايدالانۋعا بەرٸلدٸ, دەپ حابارلايدى "ۇلت اقپارات".
قازاقستان رەسپۋبليكاسىنىڭ تۇڭعىش پرەزيدەنتٸ كٷنٸ مەرەكەسٸنە وراي, پايدالانۋعا بەرٸلگەن دەنساۋلىق ساقتاۋ نىسانىنىڭ اشىلۋ رەسٸمٸنە وبلىس ەكٸمٸ جانسەيٸت تٷيمەباەۆ قاتىسىپ, بارشا مەديتسينا سالاسىنىڭ قىزمەتكەرلەرٸن قۇتتىقتادى.
جاڭا نىسان 2 جىلدا سالىنىپ, ٸسكە قوسىلىپ وتىر. دەنساۋلىق ساقتاۋ مەكەمەسٸنٸڭ بٸرٸنشٸ قاباتىندا ەكٸمشٸلٸك, قابىلداۋ جەنە زەرتحانالىق-دياگنوستيكالىق بٶلٸمدەرٸ ورنالاستىرىلسا, ەكٸنشٸ قاباتىندا پالاتالار مەن رەانيماتسييا بٶلٸمٸ بار. ال, ٷشٸنشٸ قاباتتا 7 بلوكتان تۇراتىن وتا جاساۋ بٶلٸمٸ مەن بٷيرەك پەن باۋىر الماستىراتىن گەپاتوپانكرەاتوبيلارلىق حيرۋرگييا بٶلٸمٸ ورنالاستىرىلعان. ەمدەلۋشٸلەر ٷشٸن دە ستاتسيوناردا قوسىمشا 45 تٶسەك-ورىن قاراستىرىلعان.
ايتا كەتەيٸك, شىمكەنت قالالىق جەدەل مەديتسينالىق كٶمەك كٶرسەتۋ اۋرۋحاناسى قالا جەنە وبلىس حالقىنا تەۋلٸك بويى حيرۋرگييا, جاراقات, ۋرولوگييالىق, نەيروحيرۋرگييالىق, گينەكولوگييالىق, نەۆرولوگييالىق جەنە تەراپييالىق سالالار بويىنشا ەمدٸك شارالارىن جٷرگٸزەدٸ. مەكەمە مانداندىرىلعان جەنە جوعارى مامانداندىرىلعان جەدەل جەنە جوسپارلى مەديتسينالىق كٶمەك كٶرسەتەتٸن كٶپسالالى ستاتسيونار بولىپ تابىلادى. مۇندا كٷندەلٸكتٸ 200-250 ناۋقاس مەديتسينالىق كٶمەككە جٷگٸنەدٸ. ورتا ەسەپپەن ولاردىڭ 70-90 اۋرۋحاناعا جاتقىزىلادى. ەمدەۋ مەكەمەسٸ بويىنشا جىل سايىن جٷيەلٸ تٷردە ەمدٸك ٸس-شارالاردىڭ يننوۆاتسييالىق, جوعارى تەحنولوگييالىق ەدٸستەرٸ ٶندٸرٸسكە ەندٸرٸلۋدە.
جالپى, وسى جىلى وبلىس بويىنشا 38 دەنساۋلىق ساقتاۋ نىساندارىنىڭ قۇرىلىسىنا وبلىستىق بيۋدجەتتەن 3,8 ملرد تەڭگە قارالىپ, قۇرىلىستارى جٷرگٸزٸلٸپ وتىر. ونىڭ 34 نىسانى جىل سوڭىنا دەيٸن تاپسىرۋ جوسپارلانعان.
