شىمكەنتتە اۆتوكٶرمە ۇيىمداستىرعان تۇرعىن جاۋپكەرشٸلٸككە تارتىلدى, دەپ حابارلايدى "ۇلت اقپارات".
شىمكەنت پوليتسييا دەپارتامەنتٸنٸڭ قىزمەتكەرلەرٸ كارانتين تالاپتارىنىڭ ساقتالۋ بارىسىنا تۇراقتى تٷردە مونيتورينگ جٷرگٸزۋدە.
كەزەكتٸ ٸس-شارا بارىسىندا, ياعني 17 قاڭتار كٷنٸ ساعات 17:30 شاماسىندا تەۋكە حان داڭعىلى بويىندا ورنالاسقان «اۆتورازبور» اۆتوبٶلشەك ساتۋ ورنىندا اۆتوكٶرمە ۇيىمداستىرعاندار انىقتالدى.
وعان جٷزدەن استام ادام جينالعان.
كارانتين شارالارىنىڭ ەنگٸزٸلگەنٸنە قاراماستان شىمكەنت قالاسى باس سانيتار دەرٸگەرٸ قاۋلىسىنىڭ تالاپتارىن ەلەمەگەن كٶرمە ۇيىمداستىرۋشىسى جاۋاپكەرشٸلٸككە تارتىلدى.
كٶلٸككە قىزىعۋشىلار مەن كٶرەرمەندەردٸڭ باسىم بٶلٸگٸ ماسكا رەجيمٸن ساقتاماعان.
تەرتٸپ ساقشىلارى جەدەل ەرەكەت ەتە وتىرىپ, جيناعانداردى تاراتتى.
كارانتيندٸ بۇزۋدىڭ بارلىق جايتتارى بويىنشا جيناقتالعان ٸس-قۇجاتتار سانيتارلىق-ەپيدەميولوگييالىق باقىلاۋ باسقارماسىنا جولداندى.
