شىمكەنتتە اتراكتسيوننان قۇلاعان جٸگٸت وپەراتور جوق كەزدە بيلەتسٸز, رۇقساتسىز شىعىپ كەتكەن, دەپ حابارلايدى قازاقپارات.
«جايلاۋكٶل» ساياباعىنىڭ ديرەكتورى بەكبولات تٶلەەۆ قايعىلى جاعدايدىڭ قالاي بولعانىن بايانداپ بەردٸ. ديرەكتوردىڭ سٶزٸنشە, بۇل جاعداي كەشە ساعات 20.00 شاماسىندا بولعان.
«رامازان ايى بولعان سوڭ بارلىعى اۋىز اشادى. بٸزدٸڭ وپەراتور دا دەل وسى كەزدە كاسساداعى قىزمەتكەرگە «بيلەت ساتپاڭىز» دەپ ەسكەرتٸپ, اۋزىن اشۋعا كەتكەن. سول سەتتە ەلگٸ جٸگٸت بيٸكتەن قۇلاعان. ول جٸگٸت بٸزگە بۇرىن دا جيٸ كەلٸپ تۇراتىن. كەشە ول كاسسادان بيلەت الماي, وپەراتور كەلگەنشە جوعارىعا كٶتەرٸلگەن. قاۋٸپسٸزدٸك بەلدٸكتەرٸن دە ٶزٸ اسىعىس تاققان. بٸراق دۇرىس تاقپاعان. بٸرەۋٸن تاعىپ, بٸرەۋٸن تاقپاعانىن ەزٸرگە بٸلمەي تۇرمىز. بەلبەۋ ٷزٸلمەگەن, تەك اسىعىپ دۇرىس تاقپاعان. ونىڭ قاسىندا تانىس قىزى دا بولعان ەكەن. بٸراق ول دا وقيعانىڭ قالاي بولعانىن بٸلمەي قالعان. سونىمەن بيٸككە شىعىپ, تٷسٸپ جاتقان كەزدە 4-5 مەتر قالعاندا قۇلاعان عوي», - دەدٸ ديرەكتور.
بەكبولات تٶلەەۆ سونداي-اق, 20 جاستاعى جٸگٸتتٸڭ بيٸككە كٶتەرٸلگەننەن كەيٸن رۇقسات ەتٸلمەگەن ەدٸستەر جاساعانىن ايتادى.
«ول كٶتەرٸلگەننەن كەيٸن ارى-بەرٸ شايقاتىلعان. قاتتى شايقاتىلعانى سونشا, جۇمساق تٷشەككە تٷسپەي, سىرتىنا, تٸپتٸ قورشاۋدىڭ جانىنا قۇلاعان. ەتپەتٸنەن تٷسكەن سوڭ ٸشكٸ اعزالارىنا دا زاقىم كەلگەن, باسى جارىلعان. تەز ارادا العاشقى كٶمەك كٶرسەتتٸك, جەلەد جەردەم شاقىرتتىق. تٷنٸمەن اۋرۋحانادا جٷرٸپ, ول جٸگٸتتٸڭ تۋىستارىنا مورالدىق جەنە ماتەريالدىق تۇرعىدا كٶمەك بەردٸك. اناسى جىلاپ جٷردٸ. الداعى ۋاقىتتا ونىڭ اياققا تۇرىپ كەتۋٸنە اتسالىسامىز», - دەدٸ ساياباق ديرەكتورى.
ەسكە سالايىق, بۇعان دەيٸن شىمكەنتتەگٸ اتراكتسيونداردىڭ بٸرٸنان جاس جٸگٸت قۇلاپ, اۋىر جاعدايدا اۋرۋحاناعا تٷسكەنٸن حابارلاعان بولاتىنبىز. قازٸرگٸ تاڭدا دەرٸگەرلەر ونىڭ جاعدايى اۋىر ەكەنٸن ايتىپ وتىر.
