ۆيدەودان كادر
شىمكەنتتەگٸ ەسكەري بٶلٸمدە بورىشىن ٶتەپ جٷرگەن سارباز جىندىحانادان بٸر-اق شىقتى. 35748 ارتيللەرييا ديۆيزيونىنىڭ جاۋىنگەرٸ سامرات تىنىشتىقباي وسىدان بەس كٷن بۇرىن عانا ساۋ بولعان دەيدٸ تۋىستارى. بۇل تۋرالى "كتك" تەلەارناسى حابارلادى.
بٸراق ول كەيٸنگٸ ەكٸ-ٷش كٷندە ەسٸنەن اداسىپ, اياق استى ٶزگەرٸپ كەتكەن. 20 جاستاعى جاۋىنگەردٸڭ تۋىستارى بۇل ەسكەري بٶلٸمدەگٸ ەلٸمجەتتٸكتٸڭ كەسٸرٸ بولۋى مٷمكٸن دەپ كٷدٸكتەنەدٸ.
بىلتىر كٶكتەمدە عانا قىزىلوردادان ەسكەرگە الىنعان سامرات جىل ٶتپەي جاتىپ جىندىحاناعا جاتقىزىلدى. تۋىستارى بۇعان ەسكەري بٶلٸمدەگٸلەردٸڭ قاتىسى بار دەپ توپشىلايدى. سەبەبٸ وسىدان بەس كٷن بۇرىن عانا اۋىلدان اناسى مەن ەجەسٸ كەلگەندە ۇلى ساۋ بولعان ەكەن. ارادا بٸرەر كٷن ٶتكەن سوڭ سامرات پسيحيكالىق اۋىتقۋى بار ناۋقاستارعا ارنالعان اۋرۋحانادان بٸر-اق شىققان.
"كٷدٸگٸمٸز بار, ۇرعان بولۋى كەرەك. ەيتپەسە ەكٸ كٷندە ول بٷيتٸپ جىندى ادام قۇساپ قالمايدى عوي. جىندى ادام سيياقتى بوپ قالعان. ونى قورقىتىپ, ٷركٸتٸپ, ۇرىپ-سوعىپ, سونى بٸلدٸرمەيتٸن قىلعان. جاڭا بٸرەۋ "پسيحوتروپ زات سالىپ جٸبەرۋٸ دە مٷمكٸن" دەدٸ. ساپ-ساۋ بالانى ەكٸ كٷننٸڭ ٸشٸندە ەسكەري بٶلٸم پسيحاۋرۋحاناعا جاتقىزعان. نە دەگەن وڭباعان ادامدار!" - دەدٸ ساربازدىڭ اپاسى سالتانات تىنىشتىقباي.
ال ەسكەري بٶلٸمدەگٸلەر تۋىستارىنىڭ كٷدٸگٸن جوققا شىعارادى. كٷندەلٸكتٸ قىزمەت ەتٸپ, ٷلگٸلٸ سارباز رەتٸندە تانىلعان سامرات تاڭعى ساپ تٷزەۋ كەزٸندە تٷسٸنٸكسٸز ەرەكەت ٸستەي باستادى دەيدٸ. تٸپتٸ قارۋلاستارىنا ەمٸر بەرٸپ, پەرمەندەردٸ تىڭداۋدى قويعان سوڭ, مەديتسينالىق روتاعا جٸبەردٸك دەپ اقتالىپ جاتىر.
"بالالارعا ٶزٸنەن-ٶزٸ باسقا تۇرىپ, ٷندەمەي ساپتا تۇرادى دا, بٸراق سٶيلەپ تۇرادى, بٸردەڭە دەپ. مىسالى, "ساپقا تۇرىڭدار" دەپ ايقايلايدى. ٶزٸمەن-ٶزٸ. سوسىن ٶلەڭ ايتادى. بەرٸمٸز بٸر ساپتا تۇرعاننان كەيٸن بەلگٸلەنگەن تەرتٸپ بار. ول تەرتٸپكە باعىنامىز. ول تەرتٸپكە باعىنباي, بٸر تەرٸس قىلىقتار جاسادى", - دەدٸ 35748 ەسكەري بٶلٸمٸ ارتيللەرييا ديۆيزيونىنىڭ كومانديرٸ ەدٸلەت كەنجەبەكوۆ.
20 جاستاعى ساربازدى كەشەلٸ بەرٸ تەكسەرٸپ جاتقان پسيحيكالىق ەمدەۋ ورتالىعىنىڭ ماماندارى ەسٸندە كەمٸستٸگٸ بار ەكەنٸ انىق دەيدٸ. بٸراق ناقتى دياگنوز ەلٸ قويا المايمىز دەپ وتىر.
"كەلٸپ تٷسكەن كەزدە پسيحيكاسىنىڭ قاتتى بۇزىلعانى بايقالدى. قازٸر ناۋقاس ستاتسيونارلىق تەكسەرۋگە جەنە ەمدەلۋگە جاتقىزىلدى. دياگنوزى ەلٸ قويىلعان جوق. تەكسەرٸلٸپ جاتىر. ون كٷننٸڭ ٸشٸندە دياگنوز قويىلادى", - دەدٸ شىمكەنت پسيحيكالىق دەنساۋلىق ورتالىعىنىڭ بٶلٸم مامانى سۋحراب ەبدٸقادىروۆ.
ماماندار بۇل مەكەمەدە كەم دەگەندە بٸر اي جاتادى دەپ وتىر. ال ساپ-ساۋ ۇلىن ەسٸنەن تاندىرعان ەسكەري بٶلٸمدەگٸلەر ەكەنٸنە سەنٸمدٸ جاقىندارى ەسكەري پروكۋراتۋرا اينالىسىپ, بەينەكامەرالاردى جٸتٸ زەرتتەۋٸن تالاپ ەتٸپ وتىر.
