فوتو: اشىق دەرەككٶز
قارجىلىق مونيتورينگ اگەنتتٸگٸنٸڭ شىمكەنت قالاسى بويىنشا دەپارتامەنتٸ ينتەنسيۆتٸ الما باقتارىن قۇرۋعا بٶلٸنگەن بيۋدجەت قاراجاتىن جىمقىرۋ فاكتٸسٸ بويىنشا تەرگەۋدٸ اياقتاعانى تۋرالى, دەپ حابارلايدى Ult.kz.
ۆەدومستۆو مەلٸمەتٸنشە, «ينتەنسيۆتٸ الما باقتارىن دايىن كٷيٸندە تاپسىرۋ» باعدارلاماسى اياسىندا جوبالار «اۋىل شارۋاشىلىعىن قارجىلاي قولداۋ قورى» اق ارقىلى قارجىلاندىرىلعان. باعدارلامانىڭ ماقساتى – دايىن ينفراقۇرىلىمى بار جەرلەردٸ كەسٸپكەرلەرگە ليزينگكە بەرۋ بولعان.
تەرگەۋ بارىسىندا قوردىڭ بۇرىنعى باسقارما تٶراعاسى ج.د. وماروۆتىڭ ٶزٸنە قاراستى تۇلعالار مەن ۇيىمداردى, ونىڭ ٸشٸندە «Green Mart Kazakhstan» جشس-ٸن تارتا وتىرىپ, بيۋدجەت قاراجاتىن جىمقىرۋ سحەماسىن ۇيىمداستىرعانى انىقتالعان. ساتىپ الۋ رەسٸمدەرٸ زاڭ تالاپتارىن بۇزا وتىرىپ, نەگٸزٸنەن بٸر كٶزدەن جٷرگٸزٸلگەن, نەتيجەسٸندە جابدىقتار مەن قۇرىلىس جۇمىستارىنىڭ قۇنى جاساندى تٷردە ٶسٸرٸلٸپ, كەيبٸر جۇمىستار مٷلدە ورىندالماعان.
سوعان قاراماستان, جالعان قابىلداۋ-تاپسىرۋ اكتٸلەرٸ رەسٸمدەلٸپ, سول ارقىلى بيۋدجەت قاراجاتى اۋدارىلعان. نەتيجەسٸندە مەملەكەتكە 430 ملن تەڭگەدەن استام شىعىن كەلتٸرٸلگەن.
بۇدان بٶلەك, اگروٶنەركەسٸپتٸ قولداۋ اياسىندا بٶلٸنگەن ينۆەستيتسييالىق سۋبسيدييالاردى زاڭسىز الۋ دەرەكتەرٸ دە تٸركەلگەن. اۋىل شارۋاشىلىعى كووپەراتيۆتەرٸ ارقىلى بەرٸلگەن ٶتٸنٸمدەر نەگٸزٸندە 327 ملن تەڭگەدەن استام قاراجات اۋدارىلعانىمەن, ونىڭ تەك شامامەن 20%-ى عانا ماقساتتى تٷردە جۇمسالعان. قالعان 250 ملن تەڭگەدەن استام قارجى قولما-قول اقشاعا اينالدىرىلىپ, ماقساتسىز پايدالانىلعان.
سوت سانكتسيياسىمەن جالپى اۋدانى 108 گەكتار بولاتىن, قۇنى 1 ملرد تەڭگەدەن اساتىن جەر تەلٸمدەرٸنە تىيىم سالىندى. كٷدٸكتٸ ج.د. وماروۆ قاماۋعا الىنىپ, قىلمىستىق ٸس سوتقا جولداندى.
ايتا كەتەيٸك, وسى ٸس اياسىندا بۇعان دەيٸن قوردىڭ بۇرىنعى باسقارۋشى ديرەكتورى م.ك. يسكاكوۆ پەن «Green Mart Kazakhstan» جشس باسشىسى ر.ب. سازىنبەك 4 اۆتوكٶلٸك تەركٸلەنٸپ, 8 جىلعا باس بوستاندىعىنان ايىرىلعان.
