شىمكەنتتە بيىل 42 ەلەۋمەتتٸك نىسان پايدالانۋعا بەرٸلگەن. سونداي-اق, 3 نىسان جەكە مەنشٸك يەلٸگٸنە ٶتٸپ, قالا بيۋدجەتٸ 134 ميلليون تەڭگەگە تولىقتى. قالا ەكٸمٸ عابيدوللا ەبدٸراحىموۆتىڭ تٶراعالىعىمەن ٶتكەن مەجٸلٸستە كوممۋنالدىق مەنشٸكتٸ تيٸمدٸ پايدالانۋ جايى كەڭٸنەن تالقىلاندى, دەپ حابارلايدى قازاقپارات تٸلشٸسٸ.
قالالىق ەكونوميكا جەنە قارجى بٶلٸمٸنٸڭ باسشىسى كەنجەبەك جانبوسىنوۆتىڭ ايتۋىنشا, بٷگٸندە قالا اۋماعىندا 280 كوممۋنالدىق زاڭدى نىسان بار. تەك بيىلدىڭ ٶزٸندە 58 كوممۋنالدىق نىسان مەملەكەت مەنشٸگٸ رەتٸندە قابىلدانعان.
جيىندا شاھار باسشىسى بۇل سالاداعى جۇمىستارعا كٶڭٸلٸ تولمايتىنىن جەتكٸزدٸ. ەسٸرەسە, سالا ماماندارىنا سايرام, تٶلەبي, تٷلكٸباس اۋداندارىنان قالا اۋماعىنا جاڭادان قوسىلعان ەلدٸ مەكەندەرٸندەگٸ اۋىز سۋ جٷيەسٸن مەملەكەت مەنشٸگٸنە الۋدى قاتاڭ تٷردە تاپسىردى.
«سايرام اۋدانىنان قوسىلعان ەلدٸ مەكەندەر اۋماعىندا ەلٸ كٷنگە 34 نىسان مەملەكەتتٸك تٸركەۋدەن ٶتپەگەن. بۇل سالاداعى جۇمىستارعا بەي-جايلىق قارەكەت تانىتقانى ٷشٸن جاۋاپتى سالا ماماندارىنا ارنايى شارا كٶرٸلۋٸ تيٸس», - دەدٸ عابيدوللا راحماتوللاۇلى.
سونداي-اق, جيىندا قالا ەكٸمٸ تۇرعىنداردى كوممۋنالدىق قىزمەتپەن قامتىپ وتىرعان مونوپوليستەردٸڭ قامسىز تٸرلٸگٸن سىنعا الدى.
«قانداي دا بٸر قاجەتتٸلٸكپەن اسفالت ورنىن شۇڭقىرعا اينالدىرعان جاۋاپتى مەكەمەلەر جول قاۋٸپسٸزدٸگٸن ساقتاۋ ٷشٸن جارقىراۋىق شامدار قىزمەتٸن پايدالانىپ, ەسكەرتۋ بەلگٸلەرٸن ورناتسىن جەنە قازىلعان ورىندى دەر كەزٸندە قايتا قالپىنا كەلتٸرەتٸندەي بولسىن. ەگەر دە اتالمىش جۇمىستار ساپاسىز ورىندالاتىن بولسا, قاتاڭ شارا قولدانىلادى», - دەدٸ جيىندى قورىتىندىلاعان قالا ەكٸمٸ.
