© Photo: pixabay/soumen82hazra /
9 ماۋسىم تاڭدا قاراتاۋ اۋدانىنداعى تۇران-1 ىقشاماۋدانىندا جاسٶسپٸرٸمنٸڭ مەيٸتٸ تابىلدى, دەپ حابارلايدى Otyrar.kz سايتى.
بەلگٸلٸ بولعانداي, 2007 جىلى تۋعان بالا 8 ماۋسىم كەشكٸسٸن مال جايعاۋعا شىعىپ, قايتا ورالماعان. ونىڭ دەنەسٸ تاڭعى ساعات 04:50-دە جاڭا تۇرمىس كٶشەسٸنەن تابىلعان. ەشقانداي جاراقات بولماعان. قازٸر جاسٶسپٸرٸمنٸڭ دەنەسٸ سوت-مەديتسينالىق ساراپتاماعا جٸبەرٸلدٸ.
15 جاستاعى جاسٶسپٸرٸم №72-شٸ ورتا مەكتەپتە وقىعان.
«بالا 9-سىنىپتى بٸتٸردٸ, مەكتەپتە ەشقانداي وعاش قىلىق بايقاتپاعان, تەرتٸبٸ جاقسى, ينكليۋزيۆتٸ بٸلٸم العان, ساباقتان قالمايتىن. بٷگٸن ەمتيحاندار بولدى, ول كەلۋٸ كەرەك ەدٸ. تاڭەرتەڭ اتا-اناسىنا تەلەفون سوعىپ, قايعىلى حاباردى ەستٸدٸك. الدىن الا باسى اينالىپ, قۇلاپ, باسىن قاتتى سوققان شىعار دەدٸ. وتباسىنا قايعىرىپ كٶڭٸل ايتامىز», – دەيدٸ شىمكەنت قالاسىنداعى №72 مەكتەپ ديرەكتورى بەگمات ۋسمانوۆ.
ٶلٸمنٸڭ ناقتى سەبەبٸ سوت-مەديتسينالىق ساراپتاما بارىسىندا انىقتالادى.
