تٷركٸستان وبلىسىندا كەمەلەتكە تولماعان قىزدى كليەنتكە ساتىپ جاتقان جەرٸنەن شىمكەنت تۇرعىنى ۇستالدى, دەپ حابارلايدى "ۇلت اقپارات" polisia.kz سايتىنا سٸلتەمە جاساپ.
ەيەل ادام قىز بالانى 1 ميلليون تەڭگەگە باعالاعان. انىقتالعانداي, جەڭگەتاي ونى ينتيمدٸك قىزمەت ٷشٸن بۇعان دەيٸن بٸرنەشە رەت جالعا بەرگەن.
«13 سەۋٸر كٷنٸ تٷركٸستان وبلىستىق پوليتسييا دەپارتامەنتٸنٸڭ كريمينالدىق پوليتسييا باسقارماسىنا ەيەل ادام كەمەلەتكە تولماعان قىزدى جىنىستىق قىزمەت كٶرسەتۋ ٷشٸن بەلگٸلٸ سوماعا ساتاتىنى تۋرالى حابارلاما تٷستٸ. اتالعان جايت قر قىلمىستىق كودەكسٸنٸڭ 309-بابىنىڭ 2-بٶلٸگٸ (جەزٶكشەلٸكپەن اينالىسۋعا ارنالعان پريتوندار ۇيىمداستىرۋ نەمەسە ۇستاۋ جەنە جەڭگەتايلىق) بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلدٸ. سول كٷنٸ جەدەل-ٸزدەستٸرۋ ٸس-شاراسى بارىسىندا, تٷركٸستان وبلىسى پد كپب جەنە سايرام اۋداندىق پوليتسييا بٶلٸمٸنٸڭ قىزمەتكەرلەرٸ سايرام اۋدانى اقسۋكەنت اۋىلىنداعى قوناقٷيلەردٸڭ بٸرٸنەن كەمەلەتكە تولماعان قىزدى ساتۋ كەزٸندە شىمكەنت قالاسىنىڭ تۇرعىنىن ۇستادى», - دەلٸنگەن مەلٸمەتتە.
كەمەلەت جاسىنا تولماعان قىز بالا دا شىمكەنت قالاسىنىڭ تۇرعىنى, وقۋ ورىندارىنىڭ بٸرٸنٸڭ ستۋدەنتٸ.
«پوليتسييا قىزمەتكەرلەرٸ كٷدٸكتٸ ەيەلدەن ايعاقزات رەتٸندە ميلليون تەڭگە اقشانى تەركٸلەپ الدى. تەرگەۋ بارىسىندا كٷدٸكتٸ وسى قىزدى جىنىستىق قىزمەت كٶرسەتۋ ٷشٸن بۇعان دەيٸن بٸرنەشە رەت ۇسىنعانى انىقتادى. جەڭگەتاي كەلٸسسٶزدەردٸ تەلەفون ارقىلى جٷرگٸزٸپ, كليەنتتەرگە مەسسەندجەرمەن كەمەلەتكە تولماعان قىزدىڭ سۋرەتٸن كٶرسەتٸپ وتىرعان. ونى پەك, تازا دەپ سىلتاۋراتىپ, كليەنتتەردەن ٸرٸ كٶلەمدە اقشا سۇراپ, كەلٸسۋدەن كەيٸن كەزدەسۋدٸ ۇيىمداستىرىپ وتىرعانى بەلگٸلٸ بولدى», - دەدٸ پوليتسييادان.
اتالعان فاكتٸ بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. كٷدٸكتٸ قاماۋعا الىندى. تٷركٸستان وبلىسىنىڭ پوليتسەيلەرٸ ٸستٸڭ تولىق مەن-جايىن جەنە ەيەلدٸڭ باسقا دا وسىعان ۇقساس قىلمىستارعا قاتىسى بار-جوعىن انىقتاۋدا.
