فوتو: © Polisia.kz
شىمكەنت پوليتسەيلەرٸ ەكٸ جىل بۇرىن بولعان ادام ٶلتٸرۋ قىلمىسىنىڭ بەتٸن اشتى, – دەپ حابارلايدى Polisia.kz.
2021 جىلى جەرگٸلٸكتٸ تۇرعىن ەڭبەكشٸ اۋدانىنىڭ پوليتسييا باسقارماسىنا 32 جاستاعى ۇلىنىڭ جوعالىپ كەتكەنٸن حابارلاعان. اناسى ەر ادامنىڭ ەكٸ اپتا بۇرىن ٷيدەن شىعىپ, قايتىپ ورالماعانىن ايتقان.
"حابار-وشارسىز كەتكەن ازاماتتىڭ جٷرگەن جەرٸن انىقتاۋ ماقساتىندا كريمينالدىق پوليتسييا قىزمەتكەرلەرٸ كەشەندٸ شارالار جٷرگٸزدٸ. تەرتٸپ ساقشىلارى ونىڭ وتباسى مٷشەلەرٸ, كٶرشٸلەرٸ جەنە دوستارىنىڭ اراسىندا ساۋالناما جٷرگٸزٸپ, جاقىن ماڭداعى بەينەباقىلاۋ كامەرالارىنىڭ جازبالارىن تەكسەردٸ.
سونداي-اق ەر ادامنىڭ سىرتقى كەلبەتٸن سيپاتتايتىن باعدارلار قالالىق پوليتسييا دەپارتامەنتٸنٸڭ باسقارمالارىنا, سونداي-اق ەلٸمٸزدٸڭ بارلىق ايماقتارىنداعى پوليتسييا بٶلٸمدەرٸنە جولداندى.
2 جىل بويى ٸزدەستٸرۋ جۇمىستارى نەتيجەسٸز بولعانىمەن, بيىل, جىل باسىندا جەدەل قىزمەتكەرلەر وسى دەرەك بويىنشا ٸلمەك تابا الدى. كەزدەيسوق كۋەگەردٸڭ جاۋابىنا سەيكەس, ازاماتتىڭ جوعالىپ كەتۋٸنە ٸنٸسٸنٸڭ قاتىسى بار ەكەندٸگٸ انىقتالدى", - دەلٸنگەن حابارلامادا.
قابىلدانعان شارالار نەتيجەسٸندە, ول ٶگەي باۋىرىن وتباسىلىق جانجال بارىسىندا باسىنان ارماتۋرامەن بٸرنەشە رەت ۇرىپ ٶلتٸرگەنٸ بەلگٸلٸ بولدى. بۇل ٸسكە ٶگەي اعاسىنىڭ ماس كٷيٸندە اناسىمەن جانجالداساتىنى يتەرمەلەگەن. اسا اۋىر قىلمىستىڭ ٸزٸن جاسىرۋ ٷشٸن قاسكٷنەم مەيٸتتٸ سىرتتاعى دەرەتحاناعا تاستاپ, شۇڭقىردى بەتونمەن تولتىرىپ, ٷستٸنە شاعىن ساراي تۇرعىزعان.
كٷدٸكتٸ قاماۋعا الىندى.
ەڭبەكشٸ اپب-نىڭ تەرگەۋشٸلەرٸ قىلمىستىق ٸستٸ ايىپتاۋ اكتٸسٸمەن سوتقا جولدادى.
