شىمكەنت مەكتەپتەرٸنٸڭ بٸرٸندە ۋىتتى گاز باللونى شاشىلعان, دەپ حابارلايدى قازاقپارات.
ساباق اراسىنداعى قىسقا ٷزٸلٸستەردٸڭ كەزٸندە مەكتەپ وقۋشىلارىنىڭ بٸرٸ بۇرىش قوسىلعان گاز باللونىن شاشىراتقان. سونىڭ سالدارىنان 7 وقۋشى مەن مەكتەپتٸڭ 1 قىزمەتكەرٸ زارداپ شەككەنٸ بەلگٸلٸ بولدى.
«مۇنداي جاعداي مەكتەپ قابىرعاسىندا العاش رەت ورىن الىپ وتىر. بٷگٸن شامامەن ساعات 09.50-دە 9-سىنىپ وقۋشىسى ٷزٸلٸس كەزٸندە ەكەسٸ ٶزٸن-ٶزٸ قورعاۋ ٷشٸن ساتىپ ەپەرگەن بۇرىش قوسىلعان گاز باللونىن قولدانىپ كٶرۋگە تىرىسقان. ول تەك شاشىپ كٶرمەك بولعان. تٷسٸندٸرۋ جۇمىسى جٷرگٸزٸلدٸ», - دەدٸ بٸلٸم ورداسى ديرەكتورىنىڭ ورىنباسارى نۇرماحانبەت ەبدٸرازاقوۆ.
وقيعا ورنىنا بٸردەن جەدەل جەردەم قىزمەتٸ جەتٸپ, بالالارعا العاشقى كٶمەك كٶرسەتكەن.
شىمكەنت قالالىق دەنساۋلىق ساقتاۋ باسقارماسىنىڭ باسشىسى باقىتجان پوزىلوۆتىڭ ايتۋىنشا, №55 مەكتەپتە بەلگٸسٸز ادامنىڭ ۋىتتى گاز باللونىن شاشقانى تۋرالى اقپارات تٷسكەن. بٸراق, بالالاردىڭ دەنساۋلىعىنا ايتارلىقتاي قاۋٸپ جوق. ولار بۇرىشتىڭ ٶتكٸر جاعىمسىز يٸسٸن سەزٸنگەن.
«شۇعىل تٷردە جەدەل جەردەم قىزمەتٸنٸڭ 3 بريگاداسىن جٸبەردٸك. ولار وقيعا ورنىنا 7-8 مينۋتتىڭ ٸشٸندە جەتتٸ. 7 وقۋشى مەن مەكتەپتٸڭ بٸر قىزمەتكەرٸن تەكسەردٸ. بارلىعىنا دا العاشقى مەديتسينالىق كٶمەك كٶرسەتٸلدٸ. 3 وقۋشىنى قالالىق گيبەربارييالىق وتتەكتەنۋ ورتالىعىنا جەتكٸزدٸك. ولارعا دا العاشقى كٶمەك كٶرسەتٸلٸپ, ٷيلەرٸنە اپاردىق. قازٸرگٸ ۋاقىتتا بارلىعىنىڭ جاعداي جاقسى. ٷش كٷن بويى ولاردى باقىلاۋدا ۇستايمىز», - دەدٸ باقىتجان پوزىلوۆ.
