شىمكەنت ەكٸمٸ عابيدوللا ەبدٸراحىموۆ ەكٸمدٸكتە ساعاتتاپ ٶتەتٸن جينالىستى بارىنشا قىسقارتىپ, تاپسىرمالار مەن مەسەلەلەر تەك تەلەفون ارقىلى بەرٸلۋ قاجەتتٸگٸن تاپسىردى, دەپ حابارلادى Sputnik قازاقستان تٸلشٸسٸ.
شىمكەنتتە ەلباسىنىڭ حالىققا ارناعان جولداۋى جاڭا فورماتتا تٷسٸندٸرٸلدٸ. ەكٸمدٸكتە ٶتكەن جيىندا بٸرقاتار باسقارما باسشىلارىنا ناقتى تاپسىرمالار بەرٸلدٸ. بٸرنەشە باسقارما باسشىسىنىڭ ەسەبٸن تىڭداعان شاھار ەكٸمٸ تولىقتاي تسيفرلاندىرۋ جٷيەسٸنە كٶشۋ كەرەكتٸگٸن, بۇل ٶز كەزەگٸندە سىبايلاس جەمقورلىقتىڭ الدىن الۋدىڭ تٶتە جولى ەكەنٸن تٷسٸندٸردٸ.
"سىبايلاس جەمقورلىقتى جويۋ, بيۋروكراتييانى ازايتۋ, حالىق پەن مەملەكەتتٸك قىزمەتكەرلەر اراسىنداعى تٷسٸنٸسپەۋشٸلٸكتٸ جويۋ مەنٸڭ ويىمشا تەك قانا تسيفرلاندىرۋ ارقىلى مٷمكٸن" دەگەن عابيدوللا ەبدٸراحىموۆ بۇل جٷيەگە كٶشۋ ٷشٸن ەكٸمدٸك قارجى ايامايتىنىن اتاپ ٶتتٸ. ەندٸ قالانىڭ ەربٸر تۇرعىنىندا ID كارتا بولماق. ول ارقىلى كەز كەلگەن مەملەكەتتٸك قىزمەتتٸ ٷيدە وتىرىپ-اق الۋىنا مٷمكٸندٸك تۋماق. تٸپتٸ حالىقتىڭ قوعامدىق كٶلٸكتە جٷرۋ, اۆتوتۇراق سىندى قىزمەتتەردٸ قالا قوناقتارىنا قاراعاندا تٶمەندەتٸلگەن باعامەن الۋىنا سەپتٸگٸن تيگٸزبەك. ەكٸمنٸڭ سٶزٸنشە, ەكٸمدٸك بٸرٸنشٸ كەزەكتە جەرگٸلٸكتٸ تۇرعىنداردىڭ جاعدايىن جاساۋى شارت. سونىمەن قاتار ەكٸم اپپارات باسشىسىنا جينالىستار سانىن قىسقارتىپ, بارلىق مەسەلەنٸ تەلەفونمەن شەشۋدٸ تاپسىردى.
"اۋدان ەكٸمدەرٸ مەن باسقارما باسشىلارىن ەكٸمدٸك عيماراتىنا شاقىرىپ, جينالىس ٶتكٸزۋ دەگەندٸ ازايتۋ كەرەك. تاپسىرمالار بارىنشا تەك تەلەفون ارقىلى بەرٸلسٸن. سەبەبٸ ول جەمقورلىقپەن بايلانىستى. مەسەلەن, مەن تاپسىرمانى تەلەفونمەن بەرۋگە مٷمكٸندٸگٸم بولا تۇرا, نەگە باسقارما باسشىسىن نەمەسە باسقاسىن كابينەتٸمە شاقىرۋىم قاجەت? ماعان كٶپ ادامدار "قابىلداۋىڭىزعا كٸرەيٸن دەپ ەدٸك" دەگەن ماقساتپەن حابارلاسادى. "نەگە?" دەسەم, "تەلەفونمەن ايتاتىن نەرسە ەمەس"دەپ جاۋاپ بەرەدٸ. مەن وندايلارعا "ەگەر تەلەفونمەن ايتا الماساڭ, وندا مٷلدەم كەلۋدٸڭ قاجەتٸ جوق" دەيمٸن. دۇرىس پا? سوندىقتان مەن تەلەفون ارقىلى شەشٸلمەيتٸن مەسەلە زاڭسىز دەپ ويلايمىن. قۇزىرلى ورگانداعىلار ونى تىڭداپ قويماسىن دەپ كابينەتٸنە كەلەدٸ, قاعازعا جازىپ, وسىنى جاساپ بەرٸڭٸزشٸ دەيدٸ. جەتەر ەندٸ, مەنٸڭشە, بۇعان شەكتەۋ قويۋ قاجەت", — دەدٸ عابيدوللا ەبدٸراحىموۆ.
