شىمكەنت ەكٸمدٸگٸ بالالاردىڭ جازعى دەمالىسىنا بٶلٸنگەن قارجىنى مەملەكەت قازىناسىنا قايتارادى. بۇل تۋرالى قر قارجى مينيسترلٸگٸ مەملەكەتتٸك ساتىپ الۋلار زاڭناماسى دەپارتامەنتٸنٸڭ ديرەكتورى سەبيت احمەتوۆ ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا باق ٶكٸلدەرٸ دەپارتامەنت ديرەكتورىنان «مەملەكەتتٸك ساتىپ الۋلار سايتىندا شىمكەنت ەكٸمدٸگٸ شامامەن 200 ملن تەڭگەگە 6 مىڭ بالاعا جازعى ساۋىقتىرۋ لاگەرٸنە جولداما ساتىپ الۋ تۋرالى لوت ورنالاستىرعانىن, جازعى لاگەر بولماعاندىقتان اتالعان ساتىپ الۋدىڭ تاعدىرى نە بولاتىندىعىن» سۇراعان ەدٸ.
«بٸز شىمكەنت قالاسى ەكٸمدٸگٸنەن كارانتينگە بايلانىستى لاگەرلەردە ەشقانداي دەمالىس بولماعاندىعى تۋرالى اقپارات الدىق. مەسليحات شەشٸمٸمەن اتالعان اقشا شەشٸپ الىندى. بۇل قىزمەتتەردٸڭ كەلٸسٸمشارت جاسالعان ەلەۋەتتٸ جەتكٸزۋشٸسٸنە كەلٸسٸمشارتتىڭ بۇزىلاتىندىعى تۋرالى حابارلاما جٸبەرٸلدٸ», - دەپ تٷسٸندٸردٸ سەبيت احمەتوۆ.
