شىعىس قازاقستان وبلىسىنداعى بٸرقاتار قالا, اۋدانداردا كارانتين شەكتەۋلەرٸ الىنىپ تاستالماق, دەپ حابارلايدى "ۇلت اقپارات".
بۇل جايلى ايماق باسشىسى دانيال احمەتوۆ ٶزٸنٸڭ Instagram پاراقشاسىندا جازدى.
«سوڭعى ەكٸ اي بەرٸمٸزگە وڭايعا تٷسپەدٸ. بۇل بيلٸك ورگاندارىنىڭ باتىل ەرٸ ناقتى ٸس-ەرەكەتتەرٸنٸڭ كەزەڭٸ بولدى. بٸز حالىققا بارلىق تالاپتاردى ورىنداۋدا تٷسٸنٸستٸك, شىدامدىلىق جەنە ادال نيەت تانىتقانى ٷشٸن العىس ايتامىز. شقو – كوروناۆيرۋس جۇقتىرۋ كٶرسەتكٸشٸ ەڭ تٶمەن ٶڭٸرلەردٸڭ بٸرٸ. وسىعان وراي 16 مامىردان باستاپ قالىپتى ٶمٸرگە كٶشە باستايمىز. تۇرعىنداردىڭ دالاعا تەك رۇقساتتامامەن شىعۋىنا جەنە كٶلٸك قوزعالىسىنا قاتىستى شەكتەۋلەردٸڭ بارلىعى الىنادى. اۋماعى 2000 شارشى مەترگە دەيٸنگٸ بارلىق تولايىم جەنە ازىق-تٷلٸك ساتپايتىن ساۋدا ورىندارى ٶز جۇمىسىن باستايدى. قوناقٷيلەر تولىققاندى جۇمىس تەرتٸبٸنە كٶشٸپ, الاكٶل دەمالىس بازاسىنا الدىن الا جولداما الۋعا رۇقسات بەرٸلەدٸ. مامىر ايىنىڭ 15-ٸنەن ەۋە رەيستەرٸ مەن تەمٸرجول ۆوكزالدارىندا بيلەت ساتۋ باستالادى. جالپى اۋماعىنىڭ 30 پايىزى عانا قامتىلعان جاعدايدا دٸني ورىندارعا بارۋعا رۇقسات ەتٸلەدٸ», - دەيدٸ ەكٸم.
ونىڭ ايتۋىنشا, مەيرامحانالار, دەمحانالار جەنە باسقا دا تاماقتانۋ ورىندارى جۇمىسىن باستايدى. ەزٸرگە تەك جازعى الاڭدار اشىلادى. سونىمەن قاتار وندا جينالاتىن ادام سانى بٸر ۋاقىتتا 30-دان اسپاۋى كەرەك.
«التاي, كٷرشٸم, كاتونقاراعاي, زايسان, كٶكپەكتٸ اۋداندارى مەن ريددەر قالاسىندا بارلىق بٸلٸم ورتالىقتارى مەن بالاباقشالار جۇمىسىن قايتا جالعاستىرادى. بيليارد بٶلمەلەرٸ, كاراوكە, كلۋبتار, بوۋلينگ ورتالىقتارى, بارلار دا اشىلادى. بٸراق سەمەيدەن جەنە باسقا دا اۋدانداردان كارانتين شارالارىن تولىقتاي الىپ تاستاۋعا ەلٸ ەرتە. وسىعان بايلانىستى ەزٸرگە وبلىس شەكاراسىنداعى بلوكپوستار الىنبايدى», - دەيدٸ دانيال احمەتوۆ.
