شۆەيتسارييا ٷكٸمەتٸ پتر تەستٸلەردٸ اقىلى ەتۋ ارقىلى ۆاكتسينالاۋ ناۋقانىن ىنتالاندىرۋ شارالارىن قابىلدادى, دەپ حابارلايدى "ۇلت اقپارات".
«شۆەيتسارييادا ۆاكتسينا سالدىرتپاعان جەنە Covid-19 قارسى ۆاكتسينا سەرتيفيكاتى تالاپ ەتٸلەتٸن قوعامدىق شارالارعا بارعىسى كەلەتٸن تۇرعىندار 1 قازاننان باستاپ پتر-تەستٸنٸڭ اقىسىن ٶزدەرٸ تٶلەپ نەمەسە ۆاكتسينا سالدىرتۋعا تيٸس بولادى», - دەلٸنگەن ەل ٷكٸمەتٸ تاراتقان باسپاسٶز حابارلاماسىندا.
شۆەيتسارييادا كٷن سايىن ۆيرۋس جۇقتىرۋ وقيعالارىنىڭ سانى 2 مىڭنان اسقان, بۇل رەتتە سەرسەنبٸ كٷنٸ COVID-19 جۇقتىرۋدىڭ جاڭا 2120 وقيعاسى تٸركەلگەن.
شۆەيتسارييا تۇرعىندارىنىڭ 50 پايىزىنان سەل ازداۋى تولىق ۆاكتسينا سالدىرتتى, بٸراق ۆاكتسينالاۋ قارقىنى 11 شٸلدەدەن بەرٸ بۇرىنعى قالپىندا تۇر. وسىعان وراي ەل باسقارۋدىڭ فەدەرالدىق كەڭەسٸ تۇرعىنداردى بەلسەندٸرەك ەكپە سالدىرتۋعا شاقىردى.
«شۆەيتسارييادا تۇراتىنداردىڭ بارلىعى قانداي دا بٸر سەتتە Covid-19 ۆيرۋسىمەن بايلانىسقا تٷسەتٸنٸن ەسەپكە الا وتىرىپ, فەدەرالدىق كەڭەس ينفەكتسييا جۇقتىرۋ, اۋرۋحاناعا جاتقىزۋ جەنە ٶلٸم جاعدايلارىنىڭ سانى ٶسۋٸ ەبدەن مٷمكٸن دەپ سانايدى. قالىپتى ٶمٸرگە قايتىپ ورالۋ ٷشٸن, ۆاكتسينا سالدىرتقان ادامدار سانىن كٶبەيتۋ كەرەك», - دەلٸنگەن مەلٸمدەمەدە.
شۆەيتسارييانىڭ دەنساۋلىق ساقتاۋ مينيسترٸ الەن بەرسە قازٸرگٸ كەزدە ەلدٸڭ پاندەمييانىڭ «قالىپتى» كەزەڭٸنە ٶتكەنٸن مەلٸمدەدٸ. الايدا كوروناۆيرۋس بويىنشا ەنگزٸلگەن شەكتەۋلەر كەم دەگەندە قىركٷيەك ايىنا دەيٸن الىنبايدى.
شۆەيتسارييا ٷكٸمەتٸ مەكتەپتەر, كومپانييالار جەنە مەديتسينا مەكەمەلەرٸندە جاپپاي تەستٸلەۋدٸ قارجىلاندىرۋىن جالعاستىرادى, بٸراق قوعامدىق شارالارعا بارۋ ٷشٸن عانا پتر-تەست ٶتەتٸن ادامدار ٷشٸن تەگٸن تەستٸلەۋدەن باس تارتپاق.
بۇل 12 جاسقا دەيٸنگٸ بالالار جەنە مەديتسينالىق سەبەپتەر بويىنشا ەكپە سالدىرتا المايتىندارعا قاتىستى ەمەس.
شۆەيتسارييا ٷكٸمەتٸ پاندەمييامەن كٷرەس جٷرگٸزۋدٸڭ بولاشاق ستراتەگيياسى ۆاكتسينالاۋدان باس تارتاتىن ادامداردى قورعاۋعا ەمەس, اۋرۋحانا جٷيەسٸنە قىسىمنىڭ الدىن الۋعا باعىتتالاتىنىن مەلٸمدەپ وتىر.
