Shveitsariia úkimeti PTR testilerdi aqyly etý arqyly vaktsinalaý naýqanyn yntalandyrý sharalaryn qabyldady, dep habarlaidy "Ult aqparat".
«Shveitsariiada vaktsina saldyrtpaǵan jáne Covid-19 qarsy vaktsina sertifikaty talap etiletin qoǵamdyq sharalarǵa barǵysy keletin turǵyndar 1 qazannan bastap PTR-testiniń aqysyn ózderi tólep nemese vaktsina saldyrtýǵa tiis bolady», - delingen el úkimeti taratqan baspasóz habarlamasynda.
Shveitsariiada kún saiyn virýs juqtyrý oqiǵalarynyń sany 2 myńnan asqan, bul rette sársenbi kúni COVID-19 juqtyrýdyń jańa 2120 oqiǵasy tirkelgen.
Shveitsariia turǵyndarynyń 50 paiyzynan sál azdaýy tolyq vaktsina saldyrtty, biraq vaktsinalaý qarqyny 11 shildeden beri burynǵy qalpynda tur. Osyǵan orai el basqarýdyń federaldyq keńesi turǵyndardy belsendirek ekpe saldyrtýǵa shaqyrdy.
«Shveitsariiada turatyndardyń barlyǵy qandai da bir sátte Covid-19 virýsymen bailanysqa túsetinin esepke ala otyryp, Federaldyq keńes infektsiia juqtyrý, aýrýhanaǵa jatqyzý jáne ólim jaǵdailarynyń sany ósýi ábden múmkin dep sanaidy. Qalypty ómirge qaityp oralý úshin, vaktsina saldyrtqan adamdar sanyn kóbeitý kerek», - delingen málimdemede.
Shveitsariianyń densaýlyq saqtaý ministri Alen Berse qazirgi kezde eldiń pandemiianyń «qalypty» kezeńine ótkenin málimdedi. Alaida koronavirýs boiynsha engzilgen shekteýler kem degende qyrkúiek aiyna deiin alynbaidy.
Shveitsariia úkimeti mektepter, kompaniialar jáne meditsina mekemelerinde jappai testileýdi qarjylandyrýyn jalǵastyrady, biraq qoǵamdyq sharalarǵa barý úshin ǵana PTR-test ótetin adamdar úshin tegin testileýden bas tartpaq.
Bul 12 jasqa deiingi balalar jáne meditsinalyq sebepter boiynsha ekpe saldyrta almaityndarǵa qatysty emes.
Shveitsariia úkimeti pandemiiamen kúres júrgizýdiń bolashaq strategiiasy vaktsinalaýdan bas tartatyn adamdardy qorǵaýǵa emes, aýrýhana júiesine qysymnyń aldyn alýǵa baǵyttalatynyn málimdep otyr.
