شۆەيتسارييا "جٷزدەگەن ميلليون دوللار جىمقىردى" دەپ ايىپتالعان الماتىنىڭ بۇرىنعى ەكٸمٸ ۆيكتور حراپۋنوۆقا تاعىلعان ايىپتى الىپ تاستادى. بۇل اقپاراتتى جەنەۆا پروكۋراتۋراسىنا سٷيەنگەن Reuters اگەنتتٸگٸ حابارلادى.
قىلمىستىق ٸستٸ توقتاتۋ تۋرالى سوت قاۋلىسى تاراپتارعا 14 قاراشادا بەرٸلگەن. وعان قاتىستى 25 قاراشاعا دەيٸن شاعىم تٷسٸرٸلۋٸ مٷمكٸن.
اقپارات بويىنشا, بۇل ٸس قازاقستان بيلٸگٸنٸڭ شۆەيتسارييا بيلٸگٸنە قۇقىقتىق كٶمەك كٶرسەتۋ تۋرالى سۇراۋى نەگٸزٸندە قوزعالعان. قۇجاتتا ۆيكتور حراپۋنوۆتىڭ 90-جىلداردىڭ سوڭى 2000-جىلداردىڭ باسىندا الماتى ەكٸمٸ بولىپ تۇرعان كەزدە "قىزمەتتٸك ٶكٸلەتٸن پايدالانىپ بيۋدجەت قارجىسىن جىمقىرعانى" جايلى ايتىلعان. 2013 جىلدان بەرٸ جالعاسىپ كەلە جاتقان ٸستە حراپۋنوۆتان بٶلەك ونىڭ وتباسى مٷشەلەرٸ جەنە تاعى بٸر وليگارحتىڭ اتى اتالادى. Reuters "تانىمال وليگارحتىڭ" اتىن ايتپايدى.
ۆيكتور حراپۋنوۆتىڭ ٶزٸ Facebook جەلٸسٸندە شۆەيتسارييانىڭ Tages Anzeiger باسىلىمىنا سٸلتەمە جاساپ, سوت شەشٸمٸنٸڭ 12 قاراشادا شىققانىن جازدى.
2018 جىلى قازان ايىندا الماتىنىڭ قىلمىستىق ٸستەر جٶنٸندەگٸ ماماندانداندىرىلعان اۋدانارالىق سوتى ۆيكتور حراپۋنوۆتى "جەمقورلىق" جەنە "اقشا جىمقىرۋ" باپتارى بويىنشا كٸنەلٸ دەپ تاۋىپ, سىرتتاي 17 جىلعا سوتتاعان. سوت ونىڭ مٷلٸكتەرٸن كەمپەسكەلەۋدٸ تاپسىرعان. ونىڭ ەيەلٸ لەيلا حراپۋنوۆا دا سول كەزدە سىرتتاي 14 جىلعا سوتتالدى. سوت ماتەريالدارى بويىنشا, ولاردىڭ "قىلمىستىق ەرەكەتتەرٸنٸڭ كەسٸرٸنەن مەملەكەتكە 250 ميلليون دوللار كٶلەمٸندە شىعىن كەلگەن".
ۆيكتور حراپۋنوۆتىڭ ٶزٸ تاعىلعان ايىپتاردى مويىنداماعان. 2007 جىلى وتباسىمەن بٸرگە قازاقستاننان كەتكەن حراپۋنوۆ قازٸر شۆەيتسارييادا تۇرىپ جاتىر.
Reuters اگەنتتٸگٸ حراپۋنوۆ تۋرالى جاڭالىقتىڭ سوڭىندا شۆەيتسارييا پرەزيدەنتٸ ۋلي ماۋرەردٸڭ جۇما, 22 قاراشادا قازاقستانعا ساپارى باستالاتىنىن, تاراپتار ەكٸ مەملەكەت اراسىنداعى قارىم-قاتىناس پەن ەرٸپتەستٸك جايىن تالقىلايتىنىن جازعان.
