شۆەيتسارييادا 47 جىلدان بەرٸ جۇمىس ٸستەپ تۇرعان ميۋلەنبەرگ اتوم ەلەكتر ستانتسيياسىنڭ جۇمىسى توقتاتىلدى.
وسىلايشا, ەۋروپالىق ەل يادرولىق ەنەرگەتيكادان باس تارتۋ پروتسەسٸن باستاپ كەتتٸ, دەپ حابارلايدى Reuters اگەنتتٸگٸ.
قۋاتى 373 مەگاۆاتت بولاتىن ستانتسييا 1973 جىلى اشىلعان. كٶرشٸلەس بەرن قالاسىنىڭ 100 جىل بويى ەنەرگەتيكالىق قاجەتتٸلٸگٸن جاۋىپ تۇرارلىق قۋات ٶندٸرٸپ كەلگەن.
ميۋلەنبەرگ اەس-ى شۆەيتسارييانىڭ بەس بٸردەي اتوم ستانتسيياسىنىڭ بٸرٸ. 2017 جىلعى يادرولىق ەنەرگەتيكادان باس تارتۋ تۋرالى رەفەرەندۋمنان كەيٸن جابىلعان العاشقى ستانتسييا بولماق. سودان بەرٸ مەملەكەت كٷن, جەل جەنە گيدروەنەرگەتيكانىڭ ٷلەسٸن بارىنشا ارتتىرىپ كەلەدٸ.
شۆەيتساريياعا كٶرشٸلەس گەرمانييا اتوم ەلەكتروستانتسيياسىنان 2022 جىلى باس تارتۋى كەرەك. سونىمەن بٸرگە, شۆەيتسارييا بيلٸگٸ جاڭا يادرولىق رەاكتورلاردى سالمايتىنىن, ال قالعان ستانتسييالاردى قىزمەت ەتۋ ۋاقىتى اياقتالعاننان كەيٸن جاباتىنىن جارييا ەتتٸ.
شۆەيتساريياداعى قالعان ەلەكتروستانتسييالاردىڭ ناقتى قاشان جابىلاتىنى بەلگٸسٸز. ەيتسە دە, جۇمىسىن توقتاتاتىن كەلەسٸ ستانتسييا – گەرمانييامەن شەكاراداعى 1969 جىلى سالىنعان بەتسناۋ بولۋى مٷمكٸن.
2017 جىلى شۆەيتسارييالىق اتوم ەلەكتروستانتسييالارى ەلدەگٸ ەلەكتردٸڭ ٷشتەن بٸرٸن ٶندٸرٸپ كەلگەن. ال ەلەكتردٸڭ 60 پايىزى گيدروەلەكتروستانتسييالارعا تيەسٸلٸ. ال بالامالى قۋات كٶزدەرٸنٸڭ ٷلەسٸ – 5 پايىز.
