Shveitsariiada 47 jyldan beri jumys istep turǵan Miýlenberg atom elektr stantsiiasynń jumysy toqtatyldy.
Osylaisha, eýropalyq el iadrolyq energetikadan bas tartý protsesin bastap ketti, dep habarlaidy Reuters agenttigi.
Qýaty 373 megavatt bolatyn stantsiia 1973 jyly ashylǵan. Kórshiles Bern qalasynyń 100 jyl boiy energetikalyq qajettiligin jaýyp turarlyq qýat óndirip kelgen.
Miýlenberg AES-y Shveitsariianyń bes birdei atom stantsiiasynyń biri. 2017 jylǵy iadrolyq energetikadan bas tartý týraly referendýmnan keiin jabylǵan alǵashqy stantsiia bolmaq. Sodan beri memleket kún, jel jáne gidroenergetikanyń úlesin barynsha arttyryp keledi.
Shveitsariiaǵa kórshiles Germaniia atom elektrostantsiiasynan 2022 jyly bas tartýy kerek. Sonymen birge, Shveitsariia biligi jańa iadrolyq reaktorlardy salmaitynyn, al qalǵan stantsiialardy qyzmet etý ýaqyty aiaqtalǵannan keiin jabatynyn jariia etti.
Shveitsariiadaǵy qalǵan elektrostantsiialardyń naqty qashan jabylatyny belgisiz. Áitse de, jumysyn toqtatatyn kelesi stantsiia – Germaniiamen shekaradaǵy 1969 jyly salynǵan Betsnaý bolýy múmkin.
2017 jyly shveitsariialyq atom elektrostantsiialary eldegi elektrdiń úshten birin óndirip kelgen. Al elektrdiń 60 paiyzy gidroelektrostantsiialarǵa tiesili. Al balamaly qýat kózderiniń úlesi – 5 paiyz.
