«قازاقفيلم» كينوستۋديياسى شۆەتسييا كورولدٸگٸندەگٸ قازاقستان رەسپۋبليكاسىنىڭ ەلشٸلٸگٸ جەنە «شۆەتسيياداعى قازاقستان جاستارى» ۇيىمىمەن بٸرلەسە وتىرىپ, ستوكگولمدە 28 تامىز بەن 1 قىركٷيەك ارالىعىندا قازاق كينوسىنىڭ فەستيۆالٸن ٶتكٸزدٸ, دەپ حابارلايدى "ۇلت اقپارات".
«قازاقفيلم» كينوستۋديياسىنىڭ حابارلاۋىنشا, اتالعان مەدەني ٸس-شارا اقان ساتاەۆتىڭ «اناعا اپارار جول» فيلمٸمەن اشىلعان. بۇل تاريحي كينوتۋىندىنى كٶرەرمەندەرگە فيلمدە باستى رٶلدٸ سومداعان اكتريسا التىناي نٶگەربەك تانىستىردى.
سونىمەن قاتار, فەستيۆال بارىسىندا بولات قالىمبەتوۆتىڭ «تالان», تۇردىبەك مايدان جەنە تٸلەك تٶلەۋعازى تٷسٸرگەن «مۇزبالاق» انيماتسييالىق فيلمٸ, باقىت قايىربەكوۆتىڭ «قۇتىدا جانعان الاۋ» دەرەكتٸ فيلمٸ, ەرلان نۇرمۇحامبەتوۆتٸڭ «جاڭعاق تال», فارحات شەرٸپوۆتىڭ «تۇلعالىق ٶسۋ ترەنينگٸ», ەدٸلحان ەرجانوۆتىڭ «تٷن قۇدايى» جەنە رٷستەم ەبدٸراشەۆتٸڭ «قازاق حاندىعى. الماس قىلىش» فيلمدەرٸ كٶرسەتٸلدٸ.
شۆەتسييانىڭ كٶرەرمەندەرٸنە وتاندىق تۋىندىلاردى «قازاقفيلم» كينوستۋديياسىنىڭ رەسمي ٶكٸلٸ, پروديۋسەر ديانا ەشٸموۆا تانىستىردى.
ايتا كەتسەك, فيلمدەردٸڭ بارلىعى تەگٸن كٶرسەتٸلدٸ.
ەسكە سالا كەتسەك, كوممەرتسييالىق ەمەس «شۆەتسيياداعى قازاقستان جاستارى» ۇيىمىنىڭ باستى ماقساتى – ەكٸ ەلدٸڭ دوستىعى مەن تىعىز بايلانىستارىن نىعايتۋ, سونداي-اق شۆەتسييا مەن قازاقستان جاستارىنىڭ اراسىندا مەدەني ديالوگ ورنالاستىرىپ, تەجٸريبە الماسۋعا مٷمكٸندٸك جاساۋ.
