تەننيستەن قازاقستان ەيەلدەر قۇراماسىنىڭ كاپيتانى ياروسلاۆا شۆەدوۆا توكيو وليمپياداسى قارساڭىندا ٶز ويىمەن بٶلٸستٸ, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, بۇل شۆەدوۆانىڭ سپورتتىق جولىنداعى ٷشٸنشٸ وليمپياداسى بولماق.
ياروسلاۆا شۆەدوۆا وليمپياداعا قاتىسىپ, ەل نامىسىن قورعاۋ زور مەرتەبە ەكەندٸگٸن, قازٸرگٸ كەزدە وعان قىزۋ دايىندالىپ جاتقانىن جەتكٸزدٸ.
«وليمپيادانى «ٷلكەن دۋلىعا» تۋرنيرلەرٸمەن سالىستىرۋعا بولمايدى. ٶيتكەنٸ بۇل دٷنيەجٷزٸلٸك دودا تٶرت جىلدا بٸر رەت ٶتەدٸ. وعان ٸرٸكتەۋدەن ٶتۋدٸڭ ٶزٸ قيىن. «ٷلكەن دۋلىعا» جارىستارىندا ەر سپورتشى ٶزٸ ٷشٸن, ال وليمپيادادا ەلٸ ٷشٸن سىنعا تٷسەدٸ. سوندىقتان جاۋاپكەرشٸلٸك اۋقىمى دا ٷلكەن. حالىق ٷشٸن, قازاقستان وليمپيادالىق قۇراماسى ٷشٸن جارىس الاڭىنا شىعۋ وڭاي ەمەس. مٸنە, وسى ەلدٸك نامىس بٸزدٸ العا جەتەلەيدٸ, جٷلدە ٷشٸن كٷرەسۋگە ىنتالاندىرادى.
قازاقستان تۋى استىندا دوداعا تٷسكەن سايىن ەرەكشە سەزٸمگە بٶلەنەسٸڭ, تەك جەڭۋ عانا ويىڭدا تۇرادى», دەدٸ شۆەدوۆا.
