شۋ قالاسىندا ەكٸ تۇرعىننان 12,5 كەلٸدەن استام «كەپتٸرٸلگەن ماريحۋانا» تەركٸلەندٸ, دەپ حابارلايدى "ۇلت اقپارات" Polisia.kz-كە سٸلتەمە جاساپ.
22 تامىزدا جامبىل وبلىسىنىڭ پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ ۇلتتىق ۇلانىنىڭ № 5517 ەسكەري بٶلٸمٸمەن بٸرلەسٸپ, شۋ قالاسىندا ۆاز-21015 ماركالى اۆتوكٶلٸكتٸ توقتاتتى. كٶلٸكتە 49 جەنە 35 جاستاعى جەرگٸلٸكتٸ تۇرعىندار بولعان. «چەرنىش» اتتى يٸسشٸل يتتٸڭ كٶمەگٸمەن اۆتوكٶلٸكتٸ تٸنتۋ بارىسىندا پوليەتيلەن قاپقا سالىنعان, جالپى سالماعى 12,5 كەلٸدەن اساتىن «كەپتٸرٸلگەن ماريحۋانا» تابىلىپ, تەركٸلەندٸ.
«ۇستالعاندار كٸنەسٸن مويىنداپ, شۋ قالاسىنىڭ ۋاقىتشا ۇستاۋ يزولياتورىنا قامالدى. قىلمىستىق كودەكستٸڭ 296-بابى 4-بٶلٸگٸ (اسا ٸرٸ مٶلشەردە ەسٸرتكٸ قۇرالىن زاڭسىز ساقتاۋ) بويىنشا سوتقا دەيٸنگٸ تەرگەۋ امالدارى باستالدى. اتالعان قىلمىستى جاساعانى ٷشٸن ٷش جىلدان جەتٸ جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان», – دەدٸ جامبىل وبلىسىنىڭ پد ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى اسقار جۇمابەكوۆ.
