بٷگٸن سىبايلاس جەمقورلىققا قارسى ٸس-قيمىل اگەنتتٸگٸ مەدەنيەت جەنە سپورت مينيسترلٸگٸمەن «پاراسات جولى» ورتالىقتارى ارقىلى پاراساتتىلىق يدەولوگيياسىن ٸلگەرٸلەتۋ جٶنٸندەگٸ بٸرلەسكەن جۇمىس تۋرالى مەموراندۋمعا قول قويدى, دەپ حابارلايدى قازاقپارات.
«ادامدى ادام ەتكەن – كٸتاپ, سول سەبەپتٸ «پاراسات جولى» جوباسى وسى ۇلتتىق اكادەمييالىق كٸتاپحانادا باستالىپ جاتىر. بٸزدٸڭ ماقساتىمىز سانا-سەزٸمدٸ ٶزگەرتۋ جەنە سىبايلاس جەمقورلىق دەڭگەيٸن تٶمەندەتۋ. جەمقورلىقتى جويۋ – بارشامىزدىڭ مٸندەتٸمٸز. قازاقستان بٷگٸنگٸ تاڭدا جەمقورلىقتان تازا مەملەكەت قۇرۋعا كٷش سالىپ وتىر.», - دەيدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ.
ونىڭ ايتۋىنشا, سىبايلاس جەمقورلىقپەن كٷرەس باستى 4 باعىتتا جٷرگٸزٸلەدٸ. بٸرٸنشٸ باعىت – سىبايلاس جەمقورلىقتىڭ الدىن الۋ, بولدىرماۋ جەنە جويۋدا قاراستىرادى.
«1998 جىلى سىبايلاس جەمقورلىقپەن كٷرەس تۋرالى العاشقى زاڭ شىققان. 17 جىلدان كەيٸن سىبايلاس جەمقورلىققا قارسى ٸس-قيمىل تۋرالى ەكٸنشٸ زاڭ قابىلداندى. ول زاڭدا سىبايلاس جەمقورلىقتىڭ سالدارىمەن كٷرەس ەمەس, الدىن الۋ مەسەلەسٸ قارالعان. قازٸردٸڭ ٶزٸندە بٸزدٸڭ قىزمەتٸمٸزدە ٷلكەن ٶزگەرٸستەر بولىپ جاتىر. سىبايلاس جەمقورلىققا قارسى ٸس-قيمىل اگەنتتٸگٸنٸڭ 3 دەپارتامەنتٸ بار. ولار: پرەۆەنتسييا, پاراساتتىلىق جەنە سەرٸكتەستٸك دەپارتامەنتٸ. ونى شەتەلدەگٸ مىقتى وقۋ ورىندارىن بٸتٸرٸپ كەلگەن جاستار باسقارىپ وتىر. ەكٸنشٸ باعىت – سىبايلاس جەمقورلىققا قارسى مەدەنيەتتٸ قالىپتاستىرۋ. بۇل باعىت سىبايلاس جەمقورلىققا تٶزبەۋشٸلٸكتٸ ناسيحاتتايدى», - دەيدٸ ول.
ٷشٸنشٸ باعىت – بەلسەندٸ قوعام, سىندارلى سەرٸكتەستٸك.
«وسى جەردە قوعامدىق, ازاماتتىق باقىلاۋدى كٷشەيتۋ كەرەك. مەملەكەت باسشىسى قوعامدىق باقىلاۋ تۋرالى زاڭدى قاراستىرىپ جاتىر. ول زاڭ قابىلدانۋى كەرەك. قازٸر قوعام دا, مەملەكەت تە ٶزگەردٸ. سوڭعى بٸر جىلدىڭ ٸشٸندە بٸز پارلامەنتكە سىبايلاس جەمقورلىققا قارسى ٷش پاكەت زاڭداردى ٶتكٸزدٸك. شەتەلدٸك رەيتينگ اگەنتتٸكتەرٸ بٸزدٸڭ جۇمىسىمىزدى كٶرٸپ, باعالاپ وتىر. سوڭعى 3-4 جىلدا ولاردىڭ بٸزدٸڭ ەلگە دەگەن كٶزقاراسى باسقاشا. تٶرتٸنشٸ باعىت – قىلمىستىق جاۋاپقا تارتۋ. سىبايلاس جەمقورلىقپەن جول بەرگەندەردٸ ۇستاپ, قىلمىستىق جاۋاپقا تارتىپ جاتىرمىز.
