رەسەي قورعانىس مينيسترٸ سەرگەي شويگۋ "ارنايى وپەراتسييانىڭ بٸرٸنشٸ كەزەڭٸندەگٸ نەگٸزگٸ ماقساتتار ورىندالدى, ەندٸ باستى ماقسات – دونباسستى ازات ەتۋگە كٶڭٸل بٶلۋگە بولادى" دەپ مەلٸمدەدٸ. شويگۋدىڭ سٶزٸن 28 ناۋرىزدا ريا نوۆوستي اگەنتتٸگٸ تاراتتى, دەپ حابارلايدى ازاتتىق.
رەسەي بيلٸگٸ ۋكرايناداعى سوعىستى "ارنايى وپەراتسييا" دەپ اتايدى.
"ۋكراينانىڭ ەۋە كٷشتەرٸ مەن راكەتالارعا قارسى جٷيەلەرٸ جويىلدى. تەڭٸز كٷشتەرٸن دە جويدىق. جاياۋ ەسكەرٸ مەن دەسانتتىق ەسكەريلەرٸ دە كٶپ شىعىنعا ۇشىرادى" دەدٸ شويگۋ.
بٷگٸن, 28 ناۋرىزدا ۋكراينا قارۋلى كٷشتەرٸ رەسەي كيەۆ جەنە چەرنيگوۆ وبلىسىنداعى ەسكەريلەرٸنٸڭ بٸر بٶلٸگٸن شىعارىپ, دونەتسك وبلىسىنا جٸبەرٸپ جاتىر دەپ مەلٸمدەدٸ.
سوعىس باستالعالى رەسەي بيلٸگٸ قارۋلى اگرەسسيياسىنىڭ ماقساتىن ەرتٷرلٸ سيپاتتاعان. باسىنداعى ماقساتى "دەميليتيريزاتسييا" مەن "دەناتسيفيكاتسييا" جايلى ايتقان, كەيٸن كرەمل كيەۆ, ودەسسا سيياقتى ٸرٸ قالالاردى باسىپ الۋعا تىرىستى.
بٸراق اقش قورعانىس مينيسترلٸگٸ جەنە باتىس بارلاۋشىلارى رەسەي ەسكەرٸ ۋكرايناداعى سوعىستا ەسكەري شىعىنعا كٶپ ۇشىراعانىن ايتقان. بٷگٸن, 29 ناۋرىزدا ستامبۋلدا رەسەي-ۋكراينا كەلٸسسٶزٸنٸڭ كەزەكتٸ راۋندى باستالدى. وسى كەزدەسۋدٸڭ الدىندا بريتاندىق Financial Times باسىلىمى دەرەككٶزدەرٸنە سٸلتەمە جاساپ, رەسەي "دەناتسيفيكاتسييا" تالابىنان باس تارتقانىن جازدى.
"ەگەر ۋكراينا ٶزٸن بەيتاراپ ەل دەپ جارييالايتىن بولسا, وندا كرەمل ۋكرايناعا دەناتسيفيكاتسييا جايلى تالاپ قويۋدان باس تارتۋعا جەنە ۋكراينانىڭ ەۋروپا وداعى قۇرامىنا ەنۋٸنە كەلٸسٸم بەرۋگە ەزٸر" دەپ جازدى Financial Times.
ۇلىبريتانييا مەن اقش بارلاۋشىلارى رەسەي قازٸر قىرىم تٷبەگٸمەن رەسەيدٸ بايلانىستىراتىن قۇرلىقتىق جول اشۋ ٷشٸن ۋكراينانىڭ شىعىسىنداعى قالالاردى باسىپ الۋعا كٷش سالادى دەيدٸ.
قازٸر رەسەي ۋكراينا شىعىسىنداعى ماريۋپول قالاسىن قورشاۋعا العان. ەسكەري ساراپشىلار رەسەي ماريۋپولدٸ باسىپ الۋ ارقىلى قىرىم مەن جٸكشٸل "دحر" مەن "لحر" سەپاراتيستٸك ايماعىن جالعايتىن جول اشۋعا تىرىسادى دەپ سانايدى.
