الداعى بەس جىلدا ۋكراينانى شوۋمەن باسقارۋى مٷمكٸن. پرەزيدەنت سايلاۋىنىڭ بٸرٸنشٸ تۋرىنان سوڭ ۆلاديمير زەلەنسكيي كانديداتتار اراسىندا كٶش باستاپ كەلەدٸ - 30,25 پايىز. ەزٸلكەشكە بەرٸلگەن داۋىس ۋكراينانىڭ قازٸرگٸ پرەزيدەنتٸ پەتر پوروشەنكودان (16,54 پايىز) ەكٸ ەسەگە كٶپ. وسى ورايدا Tengrinews.kz اگەنتتٸگٸ ۋكراينا پرەزيدەنتتٸگٸنە باستى ٷمٸتكەرمەن تانىستىرادى.
تەجٸريبەسٸز ساياساتكەر
بولاشاق ەزٸلكەش-ساياساتكەر ۋكراينادا تۋعانىمەن, بالا كەزٸندە وتباسىمەن بٸرگە موڭعولييادا تٶرت جىل تۇرىپ, مەكتەپ تابالدىرىعىن سول ەلدە اتتاعان. ەكەسٸ تەحنيكا عىلىمدارىنىڭ دوكتورى, پروفەسسور بولسا, اناسى ينجەنەر قىزمەتٸن اتقارعان.
زەلەنسكيي مەكتەپ كەزٸندە-اق ساياساتقا جاقىن بولۋدى ارمانداپ, ديپلومات ماماندىعىنا وقىماق بولعان. بٸراق كەيٸن ويى ٶزگەرٸپ, زاڭگەر بٸلٸمٸن الىپ شىقتى. بٸراق ول زاڭگەر رەتٸندە ەشقاشان جۇمىس ٸستەمەگەن. ساياسي تەجٸريبەسٸ دە جوق, بٸراق ەزٸلكەش مۇنىڭ ۇتىمدى تۇستارىن دا تاۋىپ الدى.
"مەنٸڭ زاڭگەرلٸك بٸلٸمٸم بار, بۇل مەن ٷشٸن پليۋس. بٸراق ساياسي تەجٸريبەم جوق... بۇل دا ٷلكەن پليۋس", - دەپ ەزٸلدەيدٸ ول.
نەگٸزٸ ۆلاديمير زەلەنسكييدٸڭ ٶمٸر جولىن انىقتاپ بەرگەن - رەسەيلٸك ساحنا. ول 20 جاسىندا "95-ي كۆارتال" كومانداسىمەن بٸرگە رەسەيلٸك كۆن-دە ويناعان. بٸراق 2003 جىلى كۆن باسشىلىعى مەن كوماندا اراسىندا جانجال بولىپ, "95-ي كۆارتال" ۋكراينالىق تەلەۆيزيياعا اۋىسادى. بٷگٸندە بۇل كوماندا ۋكراينادا رەيتينگٸ ەڭ جوعارى شوۋلاردى ۇيىمداستىراتىن ستۋديياعا اينالعان.
ەزٸلكەشتٸڭ 16 جىل بۇرىن وتاسقان ەلەنا ەسٸمدٸ جارى بار. جۇپ الەكساندرا ەسٸمدٸ قىز بەن كيريلل ەسٸمدٸ ۇل تەربيەلەپ وتىر.
زەلەنسكيي "ۆەچەرنيي كۆارتال", "بويتسوۆسكيي كلۋب", "راسسمەشي كوميكا", "ليگا سمەحا" سەكٸلدٸ جوبالارىمەن تانىلعان. 2015 جىلى زەلەنسكيي باستى رٶلدە وينايتىن "سلۋگا نارودا" سەريالى كٶرسەتٸلە باستادى. مۇندا ول پرەزيدەنت سايلاۋىندا جەڭٸسكە جەتكەن تاريح پەنٸنٸڭ مۇعالٸمٸن سومدايدى. زەلەنسكيي - بۇل سەريالدىڭ باستى كەيٸپكەرٸ عانا ەمەس, يدەيا اۆتورى ەرٸ پروديۋسەرٸ. 2017 جىلى ەلەمدەگٸ ەڭ ٸرٸ ينتەرنەت-تۆ پلاتفورما Netflix سەريالدى كٶرسەتۋ قۇقىعىن ساتىپ العان.
ەۋرومايدان قولداۋشىسى
زەلەنسكيي ٶزٸنٸڭ ساياسي كٶزقاراسىن ۋكرايناداعى مايدان كەزٸندە اشىق كٶرسەتە باستادى. ميتينگكە شىققانداردى قولداپ, ولاردىڭ الدىندا ٶنەر كٶرسەتكەن ەدٸ. ال دونەتسك وبلىسىندا بولعان ەسكەري قاقتىعىس كەزٸندە زەلەنسكيي ۋكراينالىق ەسكەرگە قولداۋ كٶرسەتٸپ, ولارعا بٸر ميلليون گريۆەن بەرگەن.
ول ٶز ەزٸلدەرٸندە ەۋرومايدان تۋرالى جيٸ ايتادى. مىسالى, "بەركۋتتىڭ" ميتينگكە شىققان ستۋدەنتتەردٸ اياماي سوققىعا جىققانى ۋكراينالىقتار اراسىندا ٷلكەن جانجال بولعان ەدٸ. بۇعان قاتىستى زەلەنسكيي جەتەكشٸلٸك ەتەتٸن "95-ي كۆارتال" ەزٸلدەگەن ەدٸ.
ەزٸلكەش ەۆگەنيي كوشەۆوي سول كەزدەگٸ ەل پرەزيدەنتٸ ۆيكتور يانۋكوۆيچتٸ سومداپ تۇرعان اكتەردەن "بەركۋتتٸكتەرگە" ەبونيت تاياقشالارىن بەرٸپ, ال ميتينگكە شىققاندار جٷننەن توقىلعان كيٸم كيسە, سولاردى ۇرۋ ارقىلى ەلەكتر الۋعا بولا ما?" دەپ سۇرايدى.
زەلەنسكييدٸڭ ٶزٸ ميتينگكە شىقپاي, نەگە ساحنادا عانا وسىنداي ەزٸلدەر ايتىپ جٷرگەنٸن تٷسٸندٸردٸ. "بٸزدٸڭ پلاتفورمامىز - بۇل "ۆەچەرنيي كۆارتال". ميتينگكە شىققاندارعا يۋمورمەن قولداۋ كٶرسەتٸپ, بيلٸك, وپپوزيتسييا تۋرالى ەركٸن ەزٸلدەي الۋىمىز كەرەك", - دەگەن بولاتىن.
سونىمەن قاتار, زەلەنسكيي رەسەي ساياساتىنا قارسى دا جيٸ ەزٸل ايتادى. سونىڭ سالدارىنان رەسەيدە "ۆەچەرنيي كۆارتال" شوۋىن تەلەۆيزييادان كٶرسەتۋگە تىيىم سالىنعان. بٸراق ۋكراينا پرەزيدەنتٸنە ٷمٸتكەر ٶز سۇحباتتارىنىڭ بٸرٸندە قاجەت بولسا, پۋتيننٸڭ الدىندا تٸزەرلەپ وتىرۋعا دا دايىن ەكەنٸن ايتقان: "قالاساڭىزدار, پۋتينگە جالىنىپ, الدىندا تٸزەرلەۋگە دايىنمىن, بٸراق ۋكراينانى تٸزە بٷكتٸرمەڭٸزدەرشٸ".
ۋكراينا پرەزيدەنتتٸگٸنە باستى ٷمٸتكەر
زەلەنسكيي ٶزٸنٸڭ پرەزيدەنتتٸك سايلاۋعا تٷسەتٸنٸن رەسمي تٷردە 31 جەلتوقساندا دەل جاڭا جىل قارساڭىندا ايتقان. "1+1" تەلەارناسى ەرتٸستٸڭ رەسمي حابارلاماسىن كٶرسەتۋ ٷشٸن سول كەزدەگٸ پرەزيدەنت پوروشەنكونىڭ جاڭاجىلدىق قۇتتىقتاۋىن كەيٸنگە ىسىرىپ تاستاعان.
شوۋمەننٸڭ پرەزيدەنتتٸك سايلاۋعا تٷسۋٸن ۋكراينا حالقى ەر تٷرلٸ قابىلدادى. بٸرٸ "ساياساتتاعى جاڭا تىنىس" دەپ ساناسا, كەيبٸرٸ ۋكراينالىق وليگارح يگور كولومويسكييدٸڭ "قۋىرشاعى" دەپ ويلايدى. بٸراق زەلەنسكيي وليگارحپەن تەك ٸسكەرلٸك قارىم-قاتىناستا ەكەنٸن ايتادى.
شوۋمەننٸڭ پرەزيدەنت سايلاۋىنا تٷسٸۋٸنە ەلدەگٸ ساياسي احۋال سەبەپ بولعان.
"ەر ۋكراينالىقتىڭ باستى ماقساتى - ادام ٶمٸرٸن ساقتاۋ. سوندىقتان, بٸرٸنشٸ قادام - وق اتۋدى توقتاتۋ. تاراپتارمەن كەلٸسسٶز جٷرگۋٸمٸز كەرەك. ۇلىبريتانييا, اقش-تى ٶزٸمٸزگە تارتۋىمىز قاجەت دەپ ويلايمىن", - دەيدٸ زەلەنسكيي.
ەزٸلكەشتٸڭ ايتۋىنشا, ونىڭ پرەزيدەنت رەتٸندەگٸ العاشقى ماقساتى - ەلدەگٸ سوعىستى توقتاتۋ, ۋاقىتشا وككۋپاتسييالانعان ايماقتاردى قايتارۋ. شوۋمەن پرەزيدەنت سايلاۋىنىڭ العاشقى تۋرى 1 سەۋٸردە اياقتالاتىنى ٶزٸ ٷشٸن ۇتىمدى جايت ەكەنٸن ايتادى: "1 سەۋٸر - مەن ٷشٸن تاماشا كٷن. سايقىمازاق ٷشٸن. جەڭٸسكە جەتۋ ٷشٸن. مەن سايقىمازاق ەمەسپٸن بە?", - دەيدٸ ول.
سوڭعى مەلٸمەتتەر بويىنشا, زەلەنسكيي بٸرٸنشٸ تۋردان سوڭ 30,25 پايىز داۋىسپەن كٶش باستاپ كەلەدٸ. ەكٸنشٸ ورىنداعى پەتر پوروشەنكودا - 16,54 پايىز. ەندٸ ەكٸ كانديدات ٷش اپتادان كەيٸن سايلاۋدىڭ ەكٸنشٸ تۋرىنا قاتىسادى. پوروشەنكو ٶزٸنٸڭ باستى قارسىلاسىن "كولومويسكييدٸڭ قۋىرشاعى" دەپ اتاعان ەدٸ.
ال زەلەنسكييدٸڭ قازٸرگٸ پرەزيدەنت تۋرالى پٸكٸرٸ مىناداي: "پوروشەنكونى ەكٸ-اق سٶزبەن سيپاتتاپ بەرە الامىن - "ٶكٸنٸشكە قاراي".
ەسەت تٶلەش
