ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ اقتٶبە وبلىسىنا ساپارى بارىسىندا العا اۋدانى بەستاماق اۋىلىنداعى شوشقا فەرماسىنا باردى. اۋىل بەلسەندٸلەرٸ فەرما جۇمىسىنىڭ قورشاعان ورتاعا تيگٸزٸپ جاتقان زييانى, ەكولوگييالىق تالاپتاردىڭ بۇزىلۋى تۋرالى باياندادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
مينيستر مىرزاعاليەۆ پەن اقتٶبە وبلىسىنىڭ ەكٸمٸ وڭداسىن ورازالين شارۋاشىلىق مەكەمەسٸنە قاتىستى تەكسەرۋ قورىتىندىلارىن جەدەلدەتٸپ, مەسەلەنٸڭ زاڭ اياسىندا ورىندى شەشٸلۋٸنە بٸرلەسە ىقپال جاسايتىندارىن جەتكٸزدٸ.
«بٸز جاعدايدان حاباردارمىز, تٷسٸرگەن بارلىق ۆيدەولارىڭىزدى كٶردٸك. ٶڭٸرلەردە نە بولىپ جاتقانىن بٸلەمٸز. مەسەلەنٸ زاڭدى تٷردە اياعىنا دەيٸن جەتكٸزۋ كەرەك. بٸز تەكسەرۋ پروتسەستەرٸن جەدەلدەتۋگە اتسالىسامىز»,- دەدٸ مينيستر.
جەرگٸلٸكتٸ حالىق مەسەلەنٸڭ شەشٸلۋٸنە ٶز تاراپتارىنان بارىنشا كٶمەك كٶرسەتۋگە دايىن ەكەندەرٸن ايتتى.
«جەرلەستەرٸمٸزدٸڭ تالاپ-تٸلەكتەرٸ ورىندى. وسى مەسەلە كٶتەرٸلگەن كٷننەن باستاپ, اۋىل تۇرعىندارى سابىرلىق تانىتىپ, تٷسٸنٸستٸكپەن قاراپ كەلەدٸ. شوشقا فەرماسى باعىتىن ٶزگەرتۋٸ كەرەك نەمەسە جۇمىسىن توقتاتۋى قاجەت. دەگەنمەن, بۇل بٸر كٷننٸڭ شارۋاسى ەمەس, قازٸر قۇزىرلى مەكەمەلەر تاراپىنان قاجەتتٸ شارالار قابىلدانىپ, جۇمىس جٷرٸپ جاتىر», - دەپ ايتتى ٶڭٸر باسشىسى وڭداسىن ورازالين.
ەسكە سالساق, 2020 جىلى قاراشا ايىندا بەستاماق اۋىلىنىڭ تۇرعىندارى شوشقا فەرماسىن جابۋدى تالاپ ەتكەن بولاتىن. جوسپاردان تىس تەكسەرۋ نەتيجەسٸندە لاس زاتتار شىعارىندىلارىنىڭ شامادان تىس كٶلەمٸ مەن قالدىقتارى كٶمۋ, ٶندٸرٸستٸك سۋدى رۇقساتسىز تٶگۋ فاكتٸلەرٸ ٷشٸن فەرماعا 7 ملرد تەڭگەگە جۋىق ايىپپۇل سالىندى. قازٸرگٸ ۋاقىتتا سوت پروتسەستەرٸ جالعاسىپ جاتىر.
