جەتٸسۋ وبلىسى شولاقاي اۋىلىندا قىز زورلاپ, ٶلتٸردٸ دەگەن كٷدٸكپەن ۇستالعان ەر ادام وسىنداي قىلمىسى ٷشٸن بۇرىن دا جازاسىن ٶتەگەن, بٸراق حيمييالىق كاستراتسييادان ٶتپەگەن. بۇل تۋرالى ٸٸم قىلمىستىق-اتقارۋ جٷيەسٸ كوميتەتٸ ٶكٸلٸ Tengrinews.kz تٸلشٸسٸ جولداعان رەسمي ساۋالعا جاۋاپ رەتٸندە ايتتى.
قازاقستاندا زورلاۋ دەرەگٸنە قاتىستى قاتاڭ جازا قاراستىرىلعان. 15 جاستاعى قىزدى زورلاپ, ٶلتٸردٸ دەگەن كٷدٸكپەن ۇستالعان 38 جاستاعى ەر ادام بۇرىن دا سوتتالعان, بٸراق شارتتى تٷردە مەرزٸمٸنەن بۇرىن بوساتىلىپ, حيمييالىق كاستراتسييادان قۇتىلعان.
كوميتەت مەلٸمەتٸنشە, ەر ادام 2013 جىلى قىلمىستىق كودەكستٸڭ 120-بابى 2-بٶلٸگٸ "زورلاۋ..." بويىنشا سوتتالعان. قىلمىستىق كودەكستە بٸرنەشە تارماق بار, الايدا وقيعا بۇرىنىراق بولعانىنا بايلانىستى ەر ادام ناقتى قاي تارماق بويىنشا قىلمىس جاساعانى بەلگٸسٸز.
قىلمىستىق كودەكستەگٸ بارلىق تارماق:
1) ادامدار توبى, الدىن الا سٶز بايلاسۋ ارقىلى ادامدار توبى جاساعان;
2) ٶلتٸرۋ قاتەرٸن تٶندٸرۋمەن ۇلاسقان, سونداي-اق, جەبٸرلەنۋشٸگە نەمەسە باسقا دا ادامدارعا قاتىستى اسا قاتىگەزدٸكپەن جاسالعان;
3) جەبٸرلەنۋشٸگە سوز اۋرۋىن جۇقتىرۋعا الىپ كەلگەن;
4) بٸرنەشە رەت جاسالعان;
5) ادام قىزمەتتٸك مٸندەتتەرٸن ورىنداۋ كەزٸندە جاساعان زورلاۋ.
قىلمىستىق كودەكسكە سەيكەس, 2-بٶلٸك بويىنشا كٷدٸكتٸ 9 جىلدان 12 جىلعا دەيٸن باس بوستاندىعىنان ايىرۋ قاراستىرىلعان.
ەر ادام 5 جىلعا سوتتالعان. سونىمەن قاتار, 2015 جىلى تالدىقورعان سوتىنىڭ قاۋلىسىنا سەيكەس باس بوستاندىعىنان ايىرۋ تٷرٸندەگٸ جازانىڭ ٶتەلمەگەن بٶلٸگٸ باس بوستاندىعىن شەكتەۋگە اۋىستىرىلعان.
"شارتتى تٷردە مەرزٸمٸنەن بۇرىن بوساتۋدى الىپ تاستاۋ 2016 جىلعى سەۋٸرٸنەن باستاپ كٷشٸنە ەندٸ", - دەپ تٷسٸندٸردٸ قاجك ٶكٸلٸ.
ەر ادام تولىق مەرزٸمدە جازاسىن ٶتەسە, ول 2018 جىلى بوسار ەدٸ. دەمەك, ول 2015 جىلى بوساتىلماسا, جازادان شارتتى تٷردە مەرزٸمٸنەن بۇرىن بوساتۋ ارقىلى شىعا المايتىن ەدٸ.
"دەل سول قىلمىسى ٷشٸن ادامعا حيمييالىق كاستراتسييا قولدانۋ مەسەلەلەرٸ بويىنشا ٶزگەرتۋلەر مەن تولىقتىرۋلار 2018 جىلعى 1 قاڭتاردان باستاپ كٷشٸنە ەندٸ. سوندىقتان وعان بۇل شارا قولدانىلعان جوق", - دەپ ناقتىلادى قاجك قىزمەتكەرٸ.
ايتا كەتەيٸك, حيمييالىق كاستراتسييا كەمەلەتكە تولماعاندارعا جىنىستىق زورلىق-زومبىلىق كٶرسەتكەنٸ ٷشٸن جٷرگٸزٸلەدٸ. باپقا سەيكەس, كٷدٸكتٸ كەمەلەتكە تولعان قىزدى زورلاعانى ٷشٸن بٸرٸنشٸ رەت جازاسىن ٶتەگەندٸكتەن, وعان كاستراتسييا قولدانىلماعان.
ەسكە سالايىق, بۇعان دەيٸن جەتٸسۋ وبلىسىندا 15 جاستاعى وقۋشى قىزدى زورلاپ, ٶلتٸردٸ دەگەن كٷدٸكتٸ ۇستالعانى حابارلانعان بولاتىن. ول قىلمىسىن مويىنداعان.
پوليتسييا مەلٸمەتٸنشە, ەر ادام قىزدى زورلاپ, كەيٸن ٶلتٸرٸپ, سودان كەيٸن قىلمىستىڭ ٸزٸن جاسىرۋ ٷشٸن دەنەسٸن ٶرتەۋگە تىرىسقان. ەندٸ كٷدٸكتٸ ٶمٸر بويى باس بوستاندىعىنان ايىرىلۋى مٷمكٸن.
