شىعىس قازاقستان وبلىسى تارباعاتاي اۋدانىنىڭ 1-سىنىپ وقۋشىسى بايجٸگٸت بايكٷبەنوۆكە تٷركييا پرەزيدەنتٸ رەجەپ تايىپ ەردوعان سىيلىق جٸبەردٸ, دەپ حابارلايدى "ۇلت اقپارات".
تارباعاتاي اۋدانى تۇعىل اۋىلىندا 1-سىنىپتا وقيتىن بايجٸگٸت اباي ٶلەڭٸن وقۋ ەستافەتاسىن تٷركييا پرەزيدەنتٸنە جولداعان بولاتىن.
«ۇلىمىز ەكەۋمٸزدٸ نۇر-سۇلتان قالاسىنداعى تٷركييا ەلشٸلٸگٸنە شاقىردى. ەردوعان مىرزا سىيلىق جٸبەرٸپتٸ. ٶزٸمەن ونلاين كەزدەسۋ دە بولۋى مٷمكٸن ەكەن», – دەدٸ بالانىڭ ەكەسٸ دۋلات بايكٷبەنوۆ.
ونىڭ ايتۋىنشا, ونلاين كەزدەسۋ 17 ناۋرىزدا ٶتەدٸ. ەردوعان مىرزا اباي ٶلەڭٸن وقۋى مٷمكٸن. ال قانداي سىيلىق جٸبەرگەنٸ ەزٸرگە بەيمەلٸم.
«ۇلىم جولداعان ەستافەتا تۋرالى سول ەلدەگٸ TRT AVAZ تەلەارناسى حابار تاراتقان ەدٸ. ەردوعان مىرزا سودان كٶرگەن بولۋى مٷمكٸن. ال چەللەندج نەگٸزٸ 2019 جىلى 29 قاراشادا جولدانعان. ارادا بٸر جارىم جىل ٶتسە دە, جاۋاپ العانىمىزعا قۋانىشتىمىز», – دەدٸ دۋلات بايكٷبەنوۆ.
تاعى بٸر ايتا كەتەرلٸگٸ, تٷركييا ەلشٸلٸگٸ جول شىعىنىن ٶز تاراپىنان كٶتەرٸپ الاتىنىن حابارلاعان.
