Shyǵys Qazaqstan oblysy Tarbaǵatai aýdanynyń 1-synyp oqýshysy Baijigit Baikúbenovke Túrkiia Prezidenti Rejep Taiyp Erdoǵan syilyq jiberdi, dep habarlaidy "Ult aqparat".
Tarbaǵatai aýdany Tuǵyl aýylynda 1-synypta oqityn Baijigit Abai óleńin oqý estafetasyn Túrkiia Prezidentine joldaǵan bolatyn.
«Ulymyz ekeýmizdi Nur-Sultan qalasyndaǵy Túrkiia Elshiligine shaqyrdy. Erdoǵan myrza syilyq jiberipti. Ózimen onlain kezdesý de bolýy múmkin eken», – dedi balanyń ákesi Dýlat Baikúbenov.
Onyń aitýynsha, onlain kezdesý 17 naýryzda ótedi. Erdoǵan myrza Abai óleńin oqýy múmkin. Al qandai syilyq jibergeni ázirge beimálim.
«Ulym joldaǵan estafeta týraly sol eldegi TRT AVAZ telearnasy habar taratqan edi. Erdoǵan myrza sodan kórgen bolýy múmkin. Al chellendj negizi 2019 jyly 29 qarashada joldanǵan. Arada bir jarym jyl ótse de, jaýap alǵanymyzǵa qýanyshtymyz», – dedi Dýlat Baikúbenov.
Taǵy bir aita keterligi, Túrkiia Elshiligi jol shyǵynyn óz tarapynan kóterip alatynyn habarlaǵan.
