- شىعىس قازاقستاندا قىمىز ٶندٸرٸسٸ تەك شالعاي اۋدانداردا عانا ەمەس, قالا ٸشٸندە دە قارقىن الا باستادى, دەپ جازادى «حابار 24».
زىريان قالاسىنداعى كٸتاپباەۆتار وتباسى بٸر جىلدان بەرٸ اتا كەسٸپپەن تابىستى اينالىسىپ كەلەدٸ. ەڭبەكقور ەۋلەتكە مەملەكەت تاراپىنان دا جان-جاقتى قولداۋ كٶرسەتٸلۋدە. ەندٸ نەسٸبەسٸ مولايعان وتباسى مال باسىن ارتتىرۋدى كٶزدەپ وتىر.
مۇرات كٸتاپباەۆ زاڭگەر ەرٸ ەكونوميست ماماندىعىن يگەرگەن. زىريان قالاسىندا بٸراز ۋاقىت جۇمىس ٸستەگەن ول اقىرى تەۋەكەل ەتٸپ, اتا كەسٸپتٸ قولعا الىپتى. بٸر جىلدان بەرٸ جەكە شارۋاشىلىعىن جٷرگٸزٸپ, حالىققا تازا ەرٸ ساپالى قىمىز ۇسىنىپ كەلەدٸ. بٷگٸندە كەسٸپكەر ٶز ٸسٸنە ەبدەن ماشىقتانىپ العان. جايىلىمى از بولسا دا, ەربٸر بيە مەن قۇلىننىڭ كٷيلٸ بولۋىنا باسا مەن بەرەدٸ.
«كەڭ جەرلەردە قۇلىندى بيەنٸڭ موينىنا قوساقتاپ جايىپ جٸبەرٸپ بارىپ ساۋادى. قازٸر قالا ٸشٸ بولعاندىقتان جەر تاپشى, سوندىقتان قۇلىندى جەكە الىپ قالىپ, ەل-اۋقاتىن ساقتاپ وتىرامىز», - دەيدٸ فەرمەر مۇرات كٸتاپباەۆ.
مۇرات زىريان قالاسىندا قىمىز ٶندٸرۋمەن اينالىسسا, ەش ۇتىلمايتىنىن بٸلدٸ. ٶيتكەنٸ شاھاردا وسىعان دەيٸن ەشكٸم مۇنداي كەسٸپتٸ قولعا الماپتى. سوندىقتان شارۋاسى بٸردەن ٶرگە باستى. وتباسىلىق كەسٸپ جۇدىرىقتاي جۇمىلا ەڭبەك ەتكەندە عانا تابىس ەكەلەدٸ. سول سەبەپتٸ مۇرات ەربٸر جوسپارىن اناسىمەن اقىلداسا وتىرىپ قابىلدايدى. ٶيتكەنٸ جاس كەسٸپكەرگە بيە ساۋىپ, قىمىز باپتاۋدىڭ جٶنٸن كٶرسەتكەن دە اناسى. ال وعان كەزٸندە دەمدٸ قىمىز دايىنداۋدىڭ ەدٸسٸن ٶزٸنٸڭ ەجەسٸ ٷيرەتٸپتٸ.
شارۋا يەلەرٸ كٷنٸنە 25-30 ليتر قىمىز دايىندايدى. ايتۋلارىنشا, شيپالى سۋسىنعا سۇرانىس جوعارى. سوندىقتان بولاشاقتا كەسٸپتەرٸن كەڭەيتۋگە نيەتتٸ.
