شىعىس قازاقستان وبلىسى ۇلان اۋدانىندا جىلقى ۇرلاپ, جەڭٸل كٶلٸك سالونىنا تٸرٸدەي سالىپ العان ەر ادام ۇستالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 31 جاستاعى ەر ادام ەركٸن جايىلىمنان مال ۇرلاۋمەن اينالىسقان. ول مالدى تٸرٸدەي كٶلٸك سالونىنىڭ ارتقى ورىندىعىنا سالىپ, الىپ كەتكەن. پوليتسييا قىزمەتكەرلەرٸ ۇلان اۋدانىنىڭ تۇرعىنىن قىركٷيەك ايىنىڭ باسىندا كەزەكتٸ ۇرلىق ٷستٸندە ۇستادى.
«كٷدٸكتٸنٸڭ كٶلٸگٸن توقتاتقان تەرتٸپ ساقشىلارى ٸشتە جاتقان تٸرٸ جىلقىنى كٶردٸ. ەر ادام بٸردەن پوليتسييا بٶلٸمٸنە جەتكٸزٸلگەن. بٸرشاما ۋاقىتتان كەيٸن جىلقىنىڭ يەسٸ تابىلدى. ول مالىنىڭ جوعالعاندىعى تۋرالى مٷلدە بٸلمەگەن», - دەدٸ وبلىستىق پد باستىعىنىڭ ورىنباسارى تالعات شاياحمەتوۆ.
قازٸرگٸ ۋاقىتتا قر قك-نٸڭ 188-بابى (مال ۇرلىعى) بويىنشا تەرگەۋ امالدارى جٷرگٸزٸلۋدە. كٷدٸكتٸنٸڭ وسىعان دەيٸن بٸرنەشە جىلقى مەن بۇزاۋ ۇرلاعاندىعى انىقتالىپ وتىر.
