شىعىس قازاقستان وبلىسى زايسان قالاسىندا تۇراتىن 12 جاستاعى تەمٸرلان ەرلانۇلى كارانتين كەزٸندەگٸ بوس ۋاقىتىن تيٸمدٸ پايدالانۋدا. جاس ٶنەرتاپقىش ەسكٸ توڭازىتقىشتان جۇمىرتقادان بالاپان شىعاراتىن اپپارات جاسادى. بٷگٸندە ونىڭ ينكۋباتورىنان 50 بالاپان شىققان.
تەمٸرلان زايسان قالاسىنداعى لومونوسوۆ اتىنداعى ورتا مەكتەپتە 7 سىنىپتا وقيدى. تالابى تاۋداي ٶرەننٸڭ اناسى الماگٷل تٷسٸپجانوۆانىڭ ايتۋىنشا, ٷنەمٸ جاڭاشىلدىققا ۇمتىلاتىن ول باستاعان ٸسٸن سوڭىنا جەتكٸزبەي تىنبايتىن ەڭبەكقور.
«تەمٸرلان بٸزدٸڭ ٷيدٸڭ كەنجەسٸ. كٸشكەنتاي كەزٸنەن بي بيلەپ, ەن ايتقاندى جاقسى كٶرەدٸ. ٶسە كەلە رۋبيك تەكشەسٸن قۇراستىرۋعا قىزىعۋشىلىعى ويانعان. بٸردە ول بٸزگە ينكۋباتور جاساعىسى كەلەتٸندٸگٸن ايتتى. تٸپتٸ ونى قالاي ٸستەيتٸنٸن بٷگە-شٷگەسٸنە دەيٸن تٷسٸندٸردٸ. سٶيتٸپ ۇلىمىزدىڭ باستاماسىنا قولداۋ بٸلدٸردٸك. ەكەسٸ وعان ەسكٸ توڭازىتقىش پەن كەرەكتٸ قۇرال-جابدىقتاردى ەكەلٸپ بەرگەن سوڭ, تەمٸرلان بٸردەن ٸسكە كٸرٸستٸ», - دەيدٸ شەشەسٸ.
وسىلايشا جاس ٶنەرتاپقىش 22 ناۋرىزدا ينكۋباتور جاساۋدى باستاعان. الدىن الا جوسپار قۇرىپ, قالاي ٸستەيتٸنٸن قاعازعا رەت-رەتٸمەن تٷسٸرگەن.
«ەڭ بٸرٸنشٸ توڭازىتقىشتى بۇرعىمەن تەسٸپ, جەلدەتكٸش جاسادىق. سودان كەيٸن وعان تەرمورەتتەگٸش پەن گيدرومەتر ورناتتىق. تەرمورەتتەگٸش ارقىلى بٸز جۇمىرتقاعا كەرەكتٸ تەمپەراتۋرانى رەتتەسەك, ال گيدرومەتر اپپاراتتىڭ ىلعالدىلىعىن تەكسەرۋگە مٷمكٸندٸك بەرەدٸ. سونداي-اق ترانسفورماتور قويىپ, توڭازىتقىشتىڭ ٸشٸن جەلدەتٸپ وتىردىق», - دەيدٸ وقۋشى.
بەرٸ ەزٸر بولعان سوڭ ول ينكۋباتوردىڭ ٸشٸنە 95 جۇمىرتقا سالىپتى. ارادا بٸر اپتا ٶتكەن سوڭ وۆوسكوپپەن تەكسەرسە ونىڭ 11-ٸنەن بالاپان شىقپايتىنى بەلگٸلٸ بولعان.
«جيىرما بٸر كٷننەن كەيٸن 30, ال كەلەسٸ كٷنٸ 20 بالاپان شىقتى. سٶيتٸپ, 84 جۇمىرتقادان 50 بالاپان الدىق. ولارعا العاشقى اپتادا ەر 2 ساعات سايىن جەم بەردٸم. قازٸر 3 ساعاتتا بٸر تاماقتاندىرامىن», - دەيدٸ تەمٸرلان ەرلانۇلى.
الداعى ۋاقىتتا دا ول ينكۋباتور ارقىلى جۇمىرتقادان بالاپان شىعارىپ, بۇل ٸسٸن كەسٸپكە اينالدىرعىسى كەلەدٸ. ەكە-شەشەسٸ دە ۇلدارىنا قولداۋ كٶرسەتۋگە ەزٸر ەكەندٸكتەرٸن جەتكٸزدٸ.
