شقو ەكٸمٸ دانيال احمەتوۆ كٶكپەكتٸ اۋدانىنداعى كٶپبالالى وتباسىلارعا ارنالعان ٷيلەردٸڭ ساپاسىن تەكسەردٸ, دەپ حابارلايدى "ۇلت اقپارات".
ايماق باسشىسى دانيال احمەتوۆ كٶكپەكتٸ اۋدانىنا جاساعان جۇمىس ساپارى بارىسىندا «اۋىل ەل بەسٸگٸ» باعدارلاماسى اياسىندا بوي كٶتەرگەن جاڭا سپورت كەشەنٸنە باس سۇقتى. بۇل ورتالىقتا كەز كەلگەن سپورت تٷرٸمەن اينالىسۋ ٷشٸن بارلىق جاعداي جاسالعان (فۋتبول, باسكەتبول جەنە ۆولەيبول الاڭدارى, جٷگٸرۋ جولدارى, جەكپە-جەك زالدارى). كيٸم اۋىستىراتىن ىڭعايلى بٶلمەلەر جابدىقتالعان. سونداي-اق ٷلكەن اۆتوتۇراق پەن بالالار ويىن الاڭى دا بار.
«بۇل جوبا تۇرعىندار اراسىندا ٷلكەن قىزىعۋشىلىق تۋدىردى. سوندىقتان ونى شىعىس قازاقستاننىڭ بۇرىنعى 13 اۋدان ورتالىعىندا جٷزەگە اسىرامىز», - دەدٸ وبلىس ەكٸمٸ.
ساپار بارىسىندا ول كٶپبالالى جەنە از قامتىلعان وتباسىلارعا ساتىپ الۋ ٷشٸن جەكە ينۆەستورلار ەسەبٸنەن سالىنعان ٷيلەردٸڭ جاعدايىمەن تانىستى. بەسپەتەرلٸ ٷيدەن باسپانا العانداردىڭ بٸرٸ – تٶرت بالانىڭ اناسى مەدينا قوجاحمەتوۆا. ٶڭٸر باسشىسى كٶپبالالى وتباسىن كەلە جاتقان ناۋرىز مەرەكەسٸمەن قۇتتىقتاپ, بٷلدٸرشٸندەرگە سىيلىقتار تابىس ەتتٸ.
سونىمەن قاتار دانيال احمەتوۆ 101 وقۋشى بٸلٸم الاتىن باستاۋشى جەنە 320 بالا وقيتىن سامار اۋىلدارىندا ورنالاسقان ەكٸ مەكتەپتە بولدى.
«باستاۋشى اۋىلىنداعى اباي اتىنداعى ورتا مەكتەپتە وبلىستىق بيۋدجەت ەسەبٸنەن جاسالعان كٷردەلٸ جٶندەۋ جۇمىستارىنىڭ ساپاسى جاقسى. سامار №1 ورتا مەكتەبٸندە كومپيۋتەرلەر سانى جەتكٸلٸكتٸ. بٷگٸندە شىعىس قازاقستاننىڭ بٸلٸم شاڭىراقتارى ەلٸمٸزدە كومپيۋتەرلٸك تەحنيكامەن ەڭ جاقسى جابدىقتالعان وبلىس. بيىل تاعى باعدارلامالاۋدىڭ وزىق تٷرلەرٸن وقىتۋ بويىنشا جاڭا باعدارلاما ٸسكە قوسىلادى», - دەدٸ ايماق باسشىسى.
