قۇتقارۋشىلار شىعىس قازاقستاننىڭ كٷرشٸم اۋدانىندا بالاسىن قۇتقارام دەپ سۋعا كەتكەن يمامنىڭ دەنەسٸن ٸزدەۋدە, دەپ حابارلايدى "ۇلت اقپارات".
قايعىلى وقيعا جەكسەنبٸ كٷنٸ بوران اۋىلىندا بولعان. اۋىل يمامىنىڭ 8 جاسار بالاسى قارا ەرتٸسكە شومىلىپ جٷرگەن. قاتتى اعىسقا تٶتەپ بەرە الماعان بالا باتا باستايدى. ونى قۇتقارۋعا 36 جاستاعى ەكەسٸ مەن 19 جاستاعى اعاسى دا سۋعا سەكٸرەدٸ. كۋەگەرلەردٸڭ ايتۋىنشا, سۋدىڭ اعىسىنا ەرەسەكتەر دە تٶتەپ بەرە الماعان. سالدارىنان اۋىل يمامى ەكٸ بالاسىمەن بٸرگە سۋعا كەتكەن.
«قازٸر تاۋ ٶزەندەرٸ تاسىپ جاتقاندىقتان, سۋ لاي, اعىسى قاتتى. ٶزەن بويىندا يٸرٸمدەر كٶپ. قۇتقارۋشىلار مارقۇمداردىڭ دەنەسٸن موتورلى قايىقپەن ٸزدەۋگە مەجبٷر. سٷڭگۋٸرلەر تەرەڭ يٸرٸمدەرگە تاپ بولۋى مٷمكٸن. سوندىقتان ٸزدەۋ جۇمىستارى اسقان ساقتىقپەن جٷرگٸزٸلۋدە», - دەيدٸ شىعىس ٶڭٸرلٸك اەروۇتقىر قۇتقارۋ جاساعىنىڭ №9 بٶلٸمشە باسشىسى تالعات نۇرجانوۆ.
يمام مەن ونىڭ ۇلدارىن ٸزدەۋگە اۋىلداستارى دا اتسالىسۋدا. جالپى ٸزدەۋ جۇمىستارىنا 80 ادام, 11 قايىق جۇمىلدىرىلعان.
دەمالىس كٷندەرٸ قۇتقارۋشىلار ٷشٸن مازاسىز ٶتتٸ. زايسان كٶلٸندە 10 كٷن بۇرىن جوعالعان بالىقشىلاردان ەلٸ دەرەك جوق. ال ٷرجار اۋدانىنداعى ساسىقكٶلدەن بالانىڭ دەنەسٸ ٸزدەستٸرٸلۋدە. ٶسكەمەننٸڭ ٶزٸندە قۇتقارۋشىلار 31 جاستاعى جٸگٸتتٸڭ دەنەسٸن ەرتٸستەن ٸزدەپ جٷرگەلٸ ايعا جۋىق ۋاقىت بولدى.
