شىعىس قازاقستان وبلىسىندا يليا يلين اتىنداعى اۋىر اتلەتيكا مەكتەبٸن اشۋ جوسپارلانىپ وتىر, دەپ حابارلايدى قازاقپارات.
بۇل جايلى ايماق باسشىسى دانيال احمەتوۆ Facebook جەلٸسٸندەگٸ جەكە پاراقشاسىندا جازدى.
«اۋىر اتلەتيكادان وليمپيادا ويىندارىنىڭ چەمپيونى جەنە ٶزگە دە جارىستاردا ٷزدٸكتەر قاتارىنان كٶرٸنگەن زٸلتەمٸرشٸ يليا يلينمەن كەزدەستٸم. ٷش تٷرلٸ سالماق دەرەجەسٸندە تٶرت دٷركٸن ەلەم چەمپيونى اتانعان يليا سەرپە كٶتەرۋدە ەلەمدٸك رەكوردتى دا جاڭارتقان. ول جاي سپورتشى عانا ەمەس, ادامي بولمىسى مەن تۇلعالىق قاسيەتٸ ٶزارا ٷندەسكەن ادام», - دەدٸ ول.
قازٸرگٸ تاڭدا يليا يلين قىزىلوردا قالاسىنداعى «مۇز» سارايىن باسقارادى. ونىڭ اۋىر اتلەتيكا مەكتەپتەرٸن اشۋ جايلى ٷلكەن جوسپارلارى بار.
«كەزدەسۋدە شىعىس قازاقستاندا يليا يلين اتىنداعى مەكتەپتٸ اشۋ مٷمكٸندٸگٸن تالقىلادىق. بٸزدٸڭ سپورتشىلار ەرتٷرلٸ ەلەمدٸك جارىستاردا ٶزدەرٸن وسى سپورت تٷرٸندە ٶتە جاقسى كٶرسەتەدٸ. ٶيتكەنٸ اۋىر اتلەتيكا - تەك قانا الىپ دەنە مەن كٷشتٸ عانا ەمەس, رۋحاني مىقتىلىقتى دا تالاپ ەتەدٸ. سونداي-اق اۋىر اتلەتٸمٸز دەنيس ۋلانوۆتى قالپىنا كەلتٸرۋ, وڭالتۋ جەنە ٷلكەن سپورتقا قايتارۋ تۋرالى تاقىرىپتا سٶز قوزعادىق. يليا جۋىقتا ازييا چەمپيونى اتانعان وبلىسىمىزدىڭ «التاي» كلۋبىنىڭ ۆولەيبولشىلارىنا ريزا ەكەندٸگٸن دە جەتكٸزدٸ», - دەدٸ وبلىس ەكٸمٸ.
