شىعىس قازاقستان وبلىسىندا 12 جاستاعى قىزدى زورلادى دەگەن دەرەك بويىنشا سوتالدى تەرگەۋ باستالدى, - دەپ حابارلايدى Tengrinews.kz اگەنتتٸگٸ.
12 قاراشادا تارباعاتاي اۋدانى تۇعىل اۋىلىندا بولدى دەلٸنگەن وقيعانى وسى ەلدٸ مەكەننٸڭ تۇرعىندارى حابارلاعان. ولار "نەمولچيKZ" قوعامدىق قورىنا حات جازعان. حاتتان قىز ٸشٸمدٸككە سالىنعان ەكەسٸمەن بٸرگە تۇراتىنى, ال اناسى قايتىس بولعانى انىقتالدى.
"قىز ەكەسٸمەن تۇرادى. ەكەسٸ ٷنەمٸ ماس, ٷيٸنە نەشە تٷرلٸ ەركەكتەردٸ الىپ كەلەدٸ, ەشكٸم تەكسەرمەيدٸ. قامقورشىلىق ورگاندارى مەن ەكٸمدٸك حاباردار, بٸراق ەشتەڭە ٸستەمەيدٸ. قىز ٶتە اقىلدى, تەربيەلٸ. ونى ٷش كٷن بۇرىن وسى وتباسىعا كٶمەكتەسكەنسٸپ جٷرەتٸن 30 جاستاعى ەر ادام زورلاپ كەتكەن. ەندٸ تٷك بولماعانداي بوستاندىقتا جٷر. بالانىڭ ٶمٸرٸن قۇرتتى", - دەپ جازادى اۋىل تۇرعىندارى.
اۋىل تۇرعىندارىنىڭ ايتۋىنشا, بۇل وقيعانى اۋىل تٷگەل بٸلەدٸ, ونىڭ ٸشٸندە مەكتەپ مۇعالٸمدەرٸ مەن پوليتسييا قىزمەتكەرلەرٸ دە بار.
"قىزدى الماتىعا جٸبەرگٸسٸ كەلەدٸ, وقيعا تۋرالى ەشكٸم ەشتەڭە بٸلمەگەنٸن قالايدى, ٶيتكەنٸ جوعارى جاقتان ەشكٸم بۇعان جاۋاپتى بولعىسى كەلمەيدٸ. وسى حاباردى تاراتۋعا, جارييالاۋعا كٶمەكتەسۋلەرٸڭٸزدٸ سۇرايمىز. پەدوفيل ٶز ٸسٸنە جاۋاپ بەرسٸن, ٶيتكەنٸ, ول بٸر كٷنٸ تاعى بٸرەۋدٸ زورلايدى", - دەيدٸ تۇعىل اۋىلىنىڭ تۇرعىندارى.
سونداي-اق, ولار زارداپ شەككەن قىزدىڭ ەكەسٸ قىزىنىڭ جەردەماقىسىنا ٶمٸر سٷرٸپ جاتقانىن, اۋىل تۇرعىندارىنىڭ كٶبٸ وتباسىنا ازىق-تٷلٸكپەن كٶمەكتەسٸپ جٷرەتٸنٸن ايتادى.
شىعىس قازاقستان وبلىسىنىڭ پوليتسييا دەپارتامەنتٸ اقپاراتقا قاتىستى تٷسٸنٸكتەمە بەردٸ.
"بيىل 12 قاراشادا تارباعاتاي اۋداندىق پوليتسييا بٶلٸمٸ سوتالدى تەرگەپ-تەكسەرۋدٸ باستادى. قازٸرگٸ ۋاقىتتا جەدەل-ٸزدەستٸرۋ شارالارى جٷرگٸزٸلٸپ جاتىر. قاجەتتٸ سوت-مەديتسينالىق ساراپتامالار تاعايىندالدى.
قىلمىستىق ٸس جٷرگٸزۋ كودەكسٸنٸڭ 201-بابىنىڭ 1-بٶلٸگٸنە سەيكەس سوتقا دەيٸنگٸ تەرگەپ-تەكسەرۋ دەرەكتەرٸ جارييا ەتٸلمەيدٸ", - دەپ تٷسٸندٸردٸ شقو دپ باسپاسٶز قىزمەتٸ.
