ٶسكەمەن قالاسىندا بٸرنەشە كٷن كٶمٸر كەزەگٸندە تۇرعان ەر ادام ٶزٸن-ٶزٸ ٶرتەپ جٸبەرمەك بولدى, دەپ حابارلايدى قازاقپارات.
قالالىق پوليتسييا باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, وقيعا شاھاردىڭ سول جاعالاۋىندا ورنالاسقان تەمٸرجول تۇيىعىندا بولعان.
«پوليتسيياعا قوڭىراۋ شالعان ازامات كٶمٸر كەزەگٸندە تۇرعان جٷرگٸزۋشٸلەردٸڭ بٸرٸ كٶلٸك جولىن جاۋىپ تاستاپ, ٶزٸن-ٶزٸ ٶرتەپ جٸبەرەتٸندٸگٸن ايتىپ قورقىتقانى تۋرالى جەتكٸزدٸ. سول جەرگە جەتكەن تەرتٸپ ساقشىلارى قولىنا كانيستر ۇستاعان ەر ادامدى كٶرگەن», - دەلٸنگەن حابارلامادا.
سوڭىنان انىقتالعانداي, ول – ۇلان اۋدانىنىڭ تۇرعىنى. بٸرنەشە كٷن كٶمٸر كەزەگٸندە تۇرعان.
«پوليتسەيلەر ەر ادامنان كانيستردٸ تارتىپ الىپ, سابىرعا شاقىردى. جەرگٸلٸكتٸ اتقارۋشى ورگان ٶكٸلدەرٸ مەن ساتۋشى كومپانييا وعان كٶمٸردٸ كەزەكسٸز بەرۋ جايلى ۇسىنىس جاسادى. كەزەكتە تۇرعان باسقا ازاماتتار بۇعان قارسى بولعان جوق», - دەلٸنگەن اقپاراتتا.
سونداي-اق جولدى جاۋىپ, باسقا كٶلٸكتەردٸڭ جٷرۋٸنە كەدەرگٸ كەلتٸرگەنٸ ٷشٸن ۇلان اۋدانىنىڭ تۇرعىنىنا 10 اەك (1 اەك – 2917 تەڭگە) كٶلەمٸندە ايىپپۇل سالىندى.
