Óskemen qalasynda birneshe kún kómir kezeginde turǵan er adam ózin-ózi órtep jibermek boldy, dep habarlaidy QazAqparat.
Qalalyq Politsiia basqarmasy baspasóz qyzmetiniń málimetine súiensek, oqiǵa shahardyń sol jaǵalaýynda ornalasqan temirjol tuiyǵynda bolǵan.
«Politsiiaǵa qońyraý shalǵan azamat kómir kezeginde turǵan júrgizýshilerdiń biri kólik jolyn jaýyp tastap, ózin-ózi órtep jiberetindigin aityp qorqytqany týraly jetkizdi. Sol jerge jetken tártip saqshylary qolyna kanistr ustaǵan er adamdy kórgen», - delingen habarlamada.
Sońynan anyqtalǵandai, ol – Ulan aýdanynyń turǵyny. Birneshe kún kómir kezeginde turǵan.
«Politseiler er adamnan kanistrdi tartyp alyp, sabyrǵa shaqyrdy. Jergilikti atqarýshy organ ókilderi men satýshy kompaniia oǵan kómirdi kezeksiz berý jaily usynys jasady. Kezekte turǵan basqa azamattar buǵan qarsy bolǵan joq», - delingen aqparatta.
Sondai-aq joldy jaýyp, basqa kólikterdiń júrýine kedergi keltirgeni úshin Ulan aýdanynyń turǵynyna 10 AEK (1 AEK – 2917 teńge) kóleminde aiyppul salyndy.
