شقو-دا ايۋلار ٷي شارۋاشىلىعىنا شابۋىل جاسايتىن جاعداي جيٸلەپ كەتكەن, - دەپ حابارلايدى Tengrinews.kz اگەنتتٸگٸ "حابار 24" تەلەارناسىنا سٸلتەمە جاساپ.
تەلەارنا مەلٸمەتٸنشە, ايماقتا ايۋلاردىڭ پوپۋلياتسيياسى ٶسٸپ جاتىر. مامانداردىڭ ەسەبٸ بويىنشا وبلىستا 3021 ايۋ بار بار. ماۋسىمدا ايۋلار ستەپنوي اۋىلى ماڭىنداعى ومارتالاردى تٶرت رەت قيراتقان, توپيحا اۋىلىندا دا وسىنداي جاعداي بولعان. ساراپشىلار بۇل جاس جانۋارلار ەكەنٸن, ولار شامامەن بٸر جاسار ەكەنٸن انىقتاعان.
مامانداردىڭ ايتۋىنشا, ايۋلار بٸر جەردەن تاماق الۋدى ەدەتكە اينالدىرسا, ولاردى ول جەردەن الاستاۋ ٶتە قيىن ەكەن. سوندىقتان زارداپ شەككەن شىعىس قازاقستاندىقتار مٷلكٸ ٷشٸن عانا ەمەس, ٶزدەرٸنٸڭ قاۋٸپسٸزدٸگٸ ٷشٸن دە الاڭداپ وتىر.
تۇرعىندار جانۋاردى ٶلتٸرسە, زاڭ بويىنشا جازالاناتىنىنا بايلانىستى "ولارعا قارسى تۇرا المايمىز با?" دەپ الاڭدايدى.
"بۇل - قىلمىستىق جاۋاپكەرشٸلٸك. قازٸر ومارتاشىلار دا, قالعاندارى دا قورعانسىز. ياعني, ولار امەريكاداعى سيياقتى, ٶز مەنشٸگٸن قورعاپ, ايۋدى, تٸپتٸ باسقا جانۋاردى ٶلتٸرۋگە قۇقىعى جوق", - دەدٸ ٶسكەمەن ورمان شارۋاشىلىعىنىڭ اڭشىسى سەرگەي وسينتسەۆ.
