شىعىس قازاقستان وبلىسى ۇلان اۋدانى بوزانباي اۋىلىنداعى مەكتەپتە 72 وقۋشىنىڭ دەنە قىزۋى كٶتەرٸلٸپ, ٸشٸ اۋىرعان. 38-ٸ اۋرۋحاناعا تٷسكەن. ولار مەكتەپ اسحاناسىندا ۋلانۋى مٷمكٸن. وقيعاعا قاتىستى قىلمىستىق كودەكستٸڭ 304-باپ 1-بٶلٸگٸ بويىنشا ("سانيتارييا قاعيدالارى نەمەسە گيگيەنالىق نورماتيۆتەردٸ بۇزۋ") ٸس قوزعالدى.
وبلىستىق بٸلٸم باسقارماسىنىڭ مەلٸمەتٸنشە, وقۋشىلاردان "دەنە قىزۋىنىڭ كٶتەرٸلۋٸ, قۇسۋ مەن ديارەيا" بەلگٸلەرٸ بايقالعان.
"الدىن الا ٸشەك نەمەسە ەنتەروۆيرۋستىق ينفەكتسيياسى دياگنوزى قويىلدى. تاماقتى مەكتەپ اسحاناسىن جالعا العان جەكە كەسٸپكەر ۇيىمداستىرادى" دەپ حابارلادى وبلىستىق باسقارما.
مەكتەپ 18 ناۋرىزدا جابىلعان. بالا سانى 300-دەن اسپايتىن مەكتەپ وفلاين وقىپ كەلگەن.
ۇلان اۋدانى بٸلٸم بەرۋ بٶلٸمٸنٸڭ جەتەكشٸسٸ قۋات بارىسۇلىنىڭ ايتۋىنشا, اتا-انالاردان شاعىم 17 ناۋرىز تاڭەرتەڭنەن تٷسە باستاعان.
– الدىڭعى كٷنٸ باستالعان. تاڭەرتەڭنەن تٷسكە دەيٸن 16 ادام بولدى. كەيٸنٸرەك بەرٸن جاۋىپ, تەكسەرەيٸك دەپ جاتقاندا قالعاندارى شىعا باستادى. اقىرعىسى بٷگٸن ساعات 7-دە تٸركەلدٸ... ولار ۋلانعان با نەمەسە ەنتەروۆيرۋستىق ينفەكتسييا ما, ونى سەس-تٸڭ اناليزدەرٸ انىقتايدى, – دەدٸ ول ازاتتىق تٸلشٸسٸنە.
بارىسۇلىنىڭ ايتۋىنشا, قازٸر اۋرۋحانادا جاتقان 38 بالانىڭ جاعدايى قالىپتى.
– بٸر بالانىڭ جاعدايى قالعاندارىنا قاراعاندا سەل اۋىرلاۋ. ونى رەانيماتسيياعا جاتقىزدى. دەگەنمەن ٶمٸرٸنە قاۋٸپ جوق, – دەدٸ ول.
"باقىلاۋدى ەلسٸرەتكەنٸ ٷشٸن اۋداندىق بٸلٸم بٶلٸمٸنٸڭ باسشىسى مەن مەكتەپ ديرەكتورى قاتاڭ تەرتٸپتٸك جاۋاپكەرشٸلٸككە تارتىلدى. اۋدان ەكٸمدٸگٸ مەن بٸلٸم باسقارماسى بالالاردىڭ ۋلانۋ سەبەپتەرٸ مەن جاعدايلارىن زەرتتەۋ بويىنشا ۆەدومستۆوارالىق كوميسسييا قۇردى" دەدٸ شقو بٸلٸم بەرۋ باسقارماسى.
