شەتەلدٸڭ تانىمال سۋرەتشٸلەرٸ تٷركٸستاننىڭ ناۋرىزىن بەينەلەۋدە, دەپ حابارلايدى قازاقپارات.
تٷركٸستان قالاسىندا «Nauriz in Turkistan» حالىقارالىق سۋرەتشٸلەرٸ فورۋمى جالعاسىپ جاتىر.
ٸس-شارا «Qazaqstan A’la Prima» فورۋمدارى سەريياسى اياسىندا ۇيىمداستىرىلدى.
فورۋمنىڭ اشىلۋ سالتاناتىندا قازاقستان رەسپۋبليكاسى سۋرەتشٸلەر وداعىنىڭ تٶراعاسى ٶمٸربەك جۇبانييازوۆ سٶز سٶيلەپ, جۇرتشىلىقتى ناۋرىز مەرەكەسٸمەن قۇتتىقتادى.
شەتەلدەن ارنايى كەلگەن قىلقالام شەبەرلەرٸنٸڭ جۇمىسىنا سەتتٸلٸك تٸلەدٸ.
تانىمال سۋرەتشٸلەر «جٸبەك جولى» ساياباعىندا ٶتكەن ناۋرىز مەرەكەسٸنە دە قاتىسىپ, قازاقتىڭ مەدەنيەتٸ مەن سالت-دەستٷرٸمەن تانىستى.
فورۋمعا اقش, ارمەنييا, پولشا, تٷركييا, بۋرياتييا, رەسەي, ٶزبەكستان ەلدەرٸنەن كەلگەن جيىرمادان اسا سۋرەتشٸ قاتىسىپ جاتىر.
ولار تٷركٸستان شاھارىنىڭ قازٸرگٸ كٶرٸنٸسٸن كەسكٸندەمەك. فورۋم 29 ناۋرىزعا دەيٸن جالعاسادى دەپ جوسپارلانعان.
قورىتىندىسى بويىنشا سۋرەتشٸلەردٸڭ تۋىندىلارى ارنايى كٶرمەگە قويىلادى.
