دەنساۋلىق ساقتاۋ ۆيتسە-مينيسترٸ الەكسەي تسوي پارلامەنت مەجٸلٸسٸندە ٶتكەن ٷكٸمەت ساعاتىندا ەلٸمٸزدە مەديتسينا تۋريزمٸن دامىتۋ تۋرالى باياندادى. ونىڭ ايتۋىنشا جەتەكشٸ ەلدەردٸڭ ازاماتتارى قازاقستانداعى ەكو قىزمەتٸنە جيٸ جٷگٸنەدٸ, دەپ حابارلايدى Baq.kz تٸلشٸسٸ.
مەجٸلٸس دەپۋتاتى قۇرالاي قاراكەن دەنساۋلىق ساقتاۋ ۆيتسە-مينيسترٸ الەكسەي تسويعا مەديتسينالىق تۋريزمدٸ دامىتۋ تٶڭٸرەگٸندە ساۋالىن قويدى.
«قۇرمەتتٸ, الەكسەي ۆلاديميروۆيچ. سوڭعى كەزدە مەديتسينالىق تۋريزم كٶبٸرەك تانىمال بولىپ كەلەدٸ. وسى تۋريزم باعىتى جاقسى دامۋدا جەنە وسى سالادا ەلەم بويىنشا 15 ملرد دوللارعا جۋىق قاراجات اينالىمدا. بٸزدٸڭ ازاماتتارىمىز شەتەلگە بارىپ ەمدەلەدٸ جەنە سول ٷشٸن كٶپ اقشا جۇمسايدى. الايدا تەك استانادا عانا بٸرنەشە ەلەمدٸك دەڭگەيدەگٸ مەديتسينالىق ورتالىقتار بار. وسىعان بايلانىستى قازاقستانداعى مەديتسينالىق تۋريزمدٸ دامىتۋ ٷشٸن قانداي جٷيەلٸ شارالار بار. ەلەمدٸك تانىمال مەديتسينالىق ورتالىقتار نە ٷشٸن بٸزدٸڭ دەنساۋلىق ساقتاۋ جٷيەسٸنە ينۆەستيتسييا سالۋعا اسىقپايدى. بۇل نەگە بايلانىستى?», - دەپ سۇرادى ول.
ۆيتسە-مينيستر ەلەمدە مەديتسينالىق تۋريزم قارقىندى دامىپ جاتقانىن, بۇل تەندەنتسييا قازاقستاندا دا بايقالاتىنىن اتاپ ٶتتٸ.
«مەديتسينا تۋريزمٸن ىنتالاندىرىپ, ازاماتتارىمىزدىڭ شەتەلگە اعىنىن ازايتۋ ٷشٸن ەڭ بٸرٸنشٸ كەزەكتە ەلٸمٸزدٸڭ ينفراقۇرىلىمىن ەسەپكە الۋىمىز كەرەك. ەكٸنشٸدەن, قۇرىلىس سالۋعا شەتەلدٸك ينۆەستورلاردى تارتۋعا جۇمىس جٷرگٸزٸلٸپ جاتىر. بٸلە بٸلسەڭٸزدەر, ەلەمدە مەديتسينالىق تۋريستەردٸڭ نەگٸزگٸ دونورى اقش بولىپ وتىر. بارلىق ەل ازاماتتارى شەتەلگە بارىپ ەمدەلگٸسٸ كەلەدٸ. بٸز ازاماتتارىمىزدىڭ ٶز ەلٸمٸزدە ساپالى قىزمەت العانىن قالايمىز», - دەدٸ ول.
ونىڭ ايتۋىنششا, قازٸر قازاقستاندا GCI حالىقارالىق اككرەديتاتسيياسىن العان 7 ۇيىم بار. بۇل اككرەديتاتسييانى بارلىق شەتەلدٸك كومپانييالار, ەسٸرەسە ساقتاندىرۋ كومپانييالارى راستايدى. سەبەبٸ بۇل ەمحانالاردا ەمدەلۋ قاۋٸپسٸز جەنە ەلەمدٸك ستاندارتتارعا سەيكەس كەلەد. مۇنداي شەتەلدٸك ساقتاندىرۋلار شەتەلدٸكتەردٸڭ وسى ەمحانالارعا كەلۋٸ مەن تولىق ەمدەلۋٸن قامتاماسىز ەتەدٸ.
«بىلتىر ەلٸمٸزگە كەلۋشٸلەر سانى ارتقانىن بايقايمىز. 1680 شەتەل ازاماتى اقىلى ستانتسيونارلى ەم العان. 23 مىڭ شەتەل ازاماتى ساۋىقتىرۋ قىزمەتٸن, سونىڭ ٸشٸندە ساناتورييا-كۋرورتتىق ەم العان. بۇل جەردە ٷلكەن پوتەنتسيال بار. بٸزدە بەرٸ بٸلە بەرمەيتٸن بٸر باعىت بار, ول – ەكستراكورپورالدى ۇرىقتاندىرۋ مەن رەپرودۋكتيۆتٸ مەديتسينا. مۇنى شەتەلدٸكتەر جاقسى بٸلەدٸ جەنە ەلەمنٸڭ جەتەكشٸ ەلدەرٸنەن ەلٸمٸزگە كٶپ كەلەدٸ. سەبەبٸ مۇنداي تەحنولوگييالار بٸزدە جاقسى دامىعان. ياعني, بٸز مەديتسينا تۋريزمٸن دامىتۋدى نەدەن باستايتىنىمىزدى انىقتادىق», - دەپ سٶزٸن تٷيٸندەدٸ تسوي.
