وڭتٷستٸك قازاقستان وبلىسىنا ارنايى ٸس-ساپارمەن كەلگەن شەتەلدٸك باق ٶكٸلدەرٸ كيەلٸ جەرلەردٸ ارالاپ, قازاقتىڭ تاريحىمەن تانىستى, دەپ حابارلايدى "ۇلت اقپارات".
الدىمەن تٷركٸ ەلەمٸنٸڭ رۋحاني ورتالىعىنا كەلگەن قوناقتار ۇلىلار مەكەنٸ سانالاتىن تٷركٸستان شاھارىن كٶزبەن كٶرٸپ, ق.ا. ياساۋي كەسەنەسٸن ارالادى. اقش, يتالييا, ۇلىبريتانييا, ەگيپەت, يسپانييا, جاپونييا, برازيلييا, وڭتٷستٸك كورەيا, كانادا, اۆسترالييا, يندونەزييا, فرانتسييا, اۆسترييا, قىتاي حالىق رەسپۋبليكاسى جەنە وڭتٷستٸك افريكا ەلدەرٸنەن جينالعان جۋرناليستەر سونىمەن قاتار كەسەنەنٸڭ اۋماعىنداعى تاريحي ورىنداردى تاماشالاپ, ەرەكشە əسەرلەرٸمەن بٶلٸستٸ. سىرى مەن تاريحى تۇنعان كيەلٸ ورىننىڭ قورىق-مۋزەي قىزمەتكەرٸ ولارعا ەكسكۋرسييا جٷرگٸزدٸ.
ەلەمدٸك باق ٶكٸلدەرٸنٸڭ اراسىندا ەلەمگە ەيگٸلٸ اقش-تىڭ «Forbes» جەنە «فريلانسەر», يتالييانىڭ يا «INTERRIS», يسپانييانىڭ «ElCultural» جۋرنالدارىنىڭ, وڭتٷستٸك كورەيانىڭ «JoongangIlbo» گازەتٸنٸڭ, ەگيپەت «نيل-كۋلتۋرا» جەنە «OnTV» كانالدارىنىڭ دا تٸلشٸلەرٸ بار ساياحاتشىلار كەيٸننەن وتىرار اۋدانىنا ساپارلادى.
اۋدان ەكٸمدٸگٸنٸڭ قىزمەتكەرلەرٸ ولاردى «قوبىز بەن دومبىرا» كەشەنٸ جانىنان كٷتٸپ الىپ, قۇرمەت كٶرسەتتٸ. مۇنان سوڭ قوناقتار «ارىستانباب» كەسەنەسٸنە بارىپ زييارات جاسادى. اتى ەلەمگە ەيگٸلٸ بولعان «ەجەلگٸ وتىرار» قالاسىنىڭ كٶنە تاريحى شەتەلدٸك جۋرناليستەردٸڭ قىزىعۋشىلىعىن وياتتى. كەزٸندە مىسىردى بيلەگەن سۇلتان بەيبارىس پەن ەلەمنٸڭ ەكٸنشٸ ۇستازى سانالعان ەبۋ ناسىر ەل-فارابيدٸڭ وتانى كٸم-كٸمدٸ بولماسىن ويسىز قالدىرماسى انىق.
كەسەنەنٸ ارالاۋ بارىسىندا شەتەلدٸكتەر وتىراردىڭ تەرەڭنەن سىر شەرتەتٸن باي مۇراسىنا قانىقتى. ەلەمنٸڭ 15 ەلٸنەن كەلگەن تٸلشٸلەر ارنايى جايىلعان داستارحاننان دەم تاتىپ, قازاقتىڭ ۇلتتىق تاعامدارى قۇرت, قازى-قارتا, شۇبات جەنە تاعى دا باسقا اسپەن تانىستى. ولارعا وتىرارلىق ٶنەرپازدار ۇلى سازگەر شەمشٸ قالداياقوۆتىڭ ەندەرٸن شىرقاپ, كٶتەرٸڭكٸ كٶڭٸل-كٷي سىيلادى.
