تۋريستٸك وپەراتورلارعا ەربٸر شەتەلدٸك تۋريست ٷشٸن 15 مىڭ تەڭگە سۋبسيدييا تٶلەنبەك. ول ٷشٸن شەتەلدٸك ەل اۋماعىندا كەمٸندە 5 كٷن دەمالۋى كەرەك, دەپ حابارلايدى قازاقپارات.
بۇل تۋرالى تۋريزم يندۋستريياسى كوميتەتٸنٸڭ تٶراعاسى داستان رىسپەكوۆ ورتالىق كوممۋنيكاتسيلار قىزمەتٸندە ٶتكەن بريفينگٸدە ايتتى.
«ٶزدەرٸڭٸز بٸلەتٸندەي, بٷگٸنگٸ تاڭدا قازاقستاندىق تۋروپەراتورلاردىڭ جۇمىسى سىرتقى تۋريزمگە باعىتتالعان. بۇدان بىلاي تۋروپەراتورلاردى ٸشتەن سىرتقا ەمەس, سىرتتان ٸشكە تۋريست تارتۋعا ىنتالاندىرامىز. ول ٷشٸن حالىقارالىق تەجٸريبە نەگٸزٸندە ەلگە ەكەلگەن ەربٸر شەتەلدٸك تۋريست ٷشٸن تۋروپەراتورلارعا 15 000 تەڭگە سۋبسيدييا تٶلەنەدٸ. ول تۋريست قازاقستان اۋماعىندا كەمٸندە 5 كٷن بولۋى كەرەك. سوندا تۋريستٸك وپەراتورلار تۋريستەن دە اقشا تابادى, مەملەكەتتەن دە سۋبسيدييا الادى. مىسالى, تۋروپەراتور قازاقستانعا تۋرپاكەت قۇرامىندا 1 000 شەتەلدٸكتٸ ەكەلسە, ول مەملەكەتتەن 15 ملن تەڭگە الادى», - دەدٸ داستان رىسپەكوۆ.
كوميتەت تٶراعاسى تۋروپەراتورلار بۇل قاراجاتتى شەتەلدٸك ەرٸپتەستەرمەن ٶز ەرٸپتەستٸگٸن ودان ەرٸ نىعايتۋعا باعىتتاي الاتىنىن تٷسٸندٸردٸ.
«بۇل قاراجاتتى ولار ەلٸمٸزگە تۋريست تارتۋ جٶنٸندە كەلٸسٸم جاساسۋ ٷشٸن حالىقارالىق كٶرمەلەر ۇيىمداستىرۋعا, ٶزدەرٸ باسقا كٶرمەلەرگە قاتىسۋعا پايدالانا الادى», - دەدٸ كوميتەت باسشىسى.
