بيىل ۇلتتىق بٸرىڭعاي تەستٸلەۋ قانداستار ٷشٸن 2021 جىلدىڭ ماۋسىم ايىندا ونلاين فورماتتا ٶتەدٸ. بۇل جايىندا مەجٸلٸس دەپۋتاتتارىنىڭ ساۋالىنا قر بٸلٸم جەنە عىلىم مينيسترٸ اسحات ايماعامبەتوۆتٸڭ جاۋابىندا ايتىلعان, دەپ حابارلايدى "ۇلت اقپارات".
«بيىل قازاقستانداعى جەنە ەلەمدەگٸ ەپيدەميولوگييالىق جاعدايعا بايلانىستى ۇلتتىق بٸرىڭعاي تەستٸلەۋ قانداستار ٷشٸن 2021 جىلعى ماۋسىم ايىندا 2020 جىلعى تەجٸريبەنٸ ەسكەرە وتىرىپ ونلاين فورماتتا ٶتەدٸ. ۇبت تاپسىرۋدىڭ بۇل فورماتى مينيسترلٸك, ۇلتتىق تەستٸلەۋ ورتالىعى جەنە «وتانداستار» قورىمەن بٸرگە جان-جاقتى قارالدى. مينيسترلٸك قانداستارعا قازاقستاندىق جوعارى وقۋ ورىندارىندا جوعارى بٸلٸم الۋ مٷمكٸندٸگٸن كەڭەيتۋ بويىنشا تۇراقتى نەگٸزدە جۇمىس جٷرگٸزۋدە. ەلٸمٸزدەگٸ جەنە جالپى ەلەمدەگٸ ەپيدەميولوگييالىق جاعدايعا بايلانىستى ۇبت-نى ۇيىمداستىرۋ پروتسەسٸ كەزٸندە بٸزدٸڭ ستۋدەنتتەر مەن جاستاردىڭ دەنساۋلىعى مينيسترلٸك ٷشٸن باسىمدىقتى مەسەلە بولىپ تابىلاتىنىن ايتا كەتكەن جٶن», - دەدٸ مينيستر.
اسحات ايماعامبەتوۆتٸڭ اتاپ ٶتۋٸنشە, ٶتكەن جىلى قانداستار ٷشٸن ۇبت العاش رەت ونلاين فورماتتا ۇيىمداستىرىلدى. 2020 جىلعى 19 شٸلدەدە ٶتكەن تەستٸلەۋگە 551 ادام قاتىستى.
«ۇبت-نى وبەكتيۆتٸ ٶتكٸزۋ ماقساتىندا تەست تاپسىرۋ پروتسەسٸ كەزٸندە پروكتورينگ جەنە بەينەمونيتورينگ جٷيەسٸ تولىق قامتاماسىز ەتٸلدٸ», - دەدٸ ول.
